X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Плогінг падбівае сэрцы бегуноў

17.01.2020 13:32
Энтузіясты джогінгу здаўна адчувалі расчараванне тым, што бегаюць сярод смецця, якое ляжыць паўсюль.
zdjęcie ilustracyjne
zdjęcie ilustracyjnepixabay

Новая спартыўная дысцыпліна родам са Швецыі падбівае сэрцы бегуноў. Плогінг (plogging) спалучае ў адно прабежку (jogging) з прыборкай смецця (па-шведску – plocka – падымаць).

Сама ідэя не была новай. Энтузіясты джогінгу здаўна адчувалі расчараванне тым, што бегаюць сярод смецця, якое ляжыць паўсюль. Частка людзей пры нагодзе шпацыру падымае з зямлі смецце і заносіць іх у бліжэйшую сметніцу. У эпоху сацыяльных СМІ тое, што адзінкі рабілі даўно, мела шанец трапіць да больш шырокай групы, а нават стаць модным.

Плогінг спалучае два папулярныя трэнды – быць фіт і быць эка, клапаціцца пра сябе і клапаціцца пра навакольнае асяроддзе. У сацыяльных СМІ прыхільнікі плогінгу хваляцца чыстай ваколіцай і поўнымі воркамі. На Фэйсбуку ўзнікаюць падзеі, у рамках якіх бегуны аб’ядноўваюцца, каб прыбраць канкрэтнае месца.

Госць Польскага радыё Даяна Класоўская, якая займаецца плогінгам, адначасова з’яўляецца ўладальніцай фірмы па зборы смецця, гаворыць, што спачатку была экалогія, а пасля бег. Актывістка хацела бегаць, але ёй не хапала матывацыі. Даведаўшыся пра plogging яна «справілася» са сваймі сумневамі і вырашыла аб’яднаць два хобі. Актывістка расказвае, што звычайна яна займаецца плогінгам самастойна, але здараецца, што да яе далучаюцца знаёмыя, а нават пішуць і звоняць незнаёмыя асобы з пытаннем, ці могуць далучыцца.

Калі ў іншых еўрапейскіх краінах плогінг становіцца папулярным, то ў польскай рэчаіснасці – гэта толькі пачатак руху, гаворыць Даяна Класоўская:

- Гэта яшчэ не мае такога памеру, як, напрыклад, у Англіі. Я чула, што там нават існуюць адмысловыя трэнажорныя комплексы для плогінгу – дадаткова трэніруюцца рукі, каб збіраць гэтыя смецці. Гэта толькі пачатак, таму я не магу многа расказаць. Напэўна людзей гэта здзіўляе. У Польшчы людзі яшчэ не гатовыя рабіць нешта для іншых, але павольна пачынаюць разумець, што гэта дзейнічае. Смецці не вяртаюцца ў тыя месцы, дзе мы іх прыбярэм. Пазней гэтыя месцы значна чысцейшыя, таму я думаю, што ёсць сэнс.

Журналістка Чацвёртай праграмы Польскага радыё Карына Тэжоні гаворыць, што падчас прабежкі можна выкарыстоўваць іншыя экалагічныя трукі.

- Я ўжо больш за год на маіх трэніроўках п’ю ваду з крану. Гэта дало мне магчымасць заашчадзіць каля 200 бутэлек вады, таму я зрабіла свой унёсак у барацьбу з пластыкавымі смеццямі. Гэта адзін з маіх экалагічных навыкаў. Акрамя таго, калі я еду на спаборніцтвы, то заўсёды стараюся далучыцца да калег, ці запрасіць да майго аўтамабіля іншых удзельнікаў, каб не вазіць у машыне гэтак званае паветра. Я вельмі сачу за тым, каб не смяціць на марафонах. Часам зусім выпадкова можа выпасці кавалак паперы ці фольгі, але я сапраўды стараюся гэтага не рабіць. На арганізаваныя прабежкі я заўсёды стараюся прынесці свой кубак ці бітон, каб не карыстацца аднаразовымі кубкамі, хоць яны і так вельмі рэдка ў такіх месцах паяўляюцца.

Карысць ад плогінгу падвойная. Безумоўна, гэта велізарны плюс для навакольнага асяроддзя. З іншага боку – дадатковы расход калорый для бегуна. Каб падняць смецце, даводзіцца нагнуцца або прысесці, а гэта дадатковая нагрузка. Трэніроўкі атрымліваюцца інтэрвальнымі: спачатку прабежка, потым збор смецця, пасля – зноў бег на іншае месца, і так па крузе. Для параўнання: калі падчас звычайнай прабежкі чалавек спальвае ў сярэднім 230 ккал, то пры плогінгу іх колькасць вырастае да амаль 300 ккал.


ав

Больш на гэтую тэму: Экалогія ў сучасным свеце