X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

11 ліпеня 1943 году «Крывавая нядзеля» Валынскай разні

11.07.2020 08:29
Падзеі таго часу па сённяшні дзень кладуцца ценем на польска-украінскія адносіны.
Cmentarz w Ostrówkach na Wołyniu
Cmentarz w Ostrówkach na WołyniuPiotr Pogorzelski (IAR)

Этнічныя супярэчнасці на тэрыторыі Галіцыі і Валыні, напружаныя адносіны паміж рознымі ўкраінскімі і польскімі вайскова-палітычнымі групамі, адрознае бачанне пасляваеннай будучыні гэтых тэрыторыяў, прывялі да адной з самых трагічных падзеяў у гісторыі Польшчы і Украіны. 

Гаворка вядзецца пра Валынскую разню, якая была ініцыяваная і рэалізаваная ўкраінскімі нацыяналістычнымі збройнымі групамі Арганізацыя ўкраінскіх нацыяналістаў і Украінская паўстанцкая армія (АУН і УПА).

Галоўнай мэтай масавых забойстваў польскага насельніцтва было недапушчэнне вяртання гэтых тэрыторыяў у склад Польшчы пасля вайны.

Украінцы імкнуліся не дапусціць да таго, што міжнародныя арганізацыі на аснове працэнтнай колькасці палякаў прызнаюць гэтую тэрыторыю Польшчы.

У 1943 годзе адбылася 3-я канферэнцыя АУН, на якой было абвешчана пра пачатак «нацыянальнай рэвалюцыі». Гэта было ўспрынята як сігнал да дзеянняў.

Па меркаваннях часткі даследчыкаў, украінскі тэрор стаўся адказам на дзеянні палякаў у дачыненні да ўкраінскага насельніцтва.

Гутарка вядзецца пра спецыяльныя батальёны паліцыі (шуцманшафт), якія былі сфарміраваныя фашыстаміз палякаў. У траўні 1943 году кіраўнік УПА Дмытро Клячкіўскі выпусціў зварот, у якім абвінавачваў польскае насельніцтва ў супрацы з нацыстамі і ў падпальванні ўкраінскіх вёсак. У гэтым звароце былі пагрозы, што калі такія дзеянні будуць працягвацца, украінцы пачнуць праводзіць падобную палітыку.

Узаемныя атакі і тэрор на гэтых землях быў выгадны як нямецкім акупантам, так і савецкім уладам, якія выкарыстоўвалі яго ў сваіх інтарэсах, каб аслабіць нацыяналістычныя рухі абодвух бакоў і перацягнуць насельніцтва. За паў гады ўкраінскія нацыяналісты забілі каля 10 – 15 тыс. палякаў.

Пік этнічных чыстак на Валыні прыйшоўся на ліпень 1943 году, ключавымі сталі падзеі 11 ліпеня (Крывавая нядзеля)

АУН і УПА арганізавалі спланаваную атаку на 99 (па некаторых дадзеных 167) населеныя пункты, у якіх пражывалі палякі.

Атрады нацыяналістаў дзейнічалі па адпрацаванай мадэлі. Адна група аточвала выбраны пункт (галоўным чынам вёскі), каб ніхто не змог збегчы, другая захоплівала мясцовасць, збірала ўсіх жыхароў і пачынала масавыя забойствы. Забівалі ўсіх, не зважаючы на пол ці ўзрост. Агулам за гэты дзень было забіта больш за 3 тыс. чалавек.
Згодна з дадзенымі гісторыкаў, у ліпені ўкраінскія нацыяналістычныя атрады атакавалі 520 польскіх вёсак, загінула каля 11 тыс. чалавек.

Другая хваля этнічных чыстак распачалася напрыканцы жніўня 1943 году, калі загінула больш за 15 тысяч чалавек.

Агульная колькасць загінулых палякаў на тэрыторыі Валыні ацэньваецца рознымі крыніцамі ў 50-100 тысяч чалавек.


Павал Усаў

Больш на гэтую тэму: Лісток каляндара