X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Рэдакцыйная кухня: гатуем вішнёвы пірог (ПАКРОКАВЫ РЭЦЭПТ)

21.07.2020 20:06
Вішня цяпер спелая, сакавітая, духмяная, і таму час - на вішнёвы пірог. 
Вішнёвы пірогZozz/pixabay.com/free images for commercial use

Сёння, паважаныя радыёслухачы, прыгатуем вішнёвы пірог. Вішня цяпер спелая, сакавітая, духмяная. Таму для смачнага пірага нам спатрэбіцца:

вішня 1 кг

масла сметанковае 90 г

цукар 120 г

цукар ванільны 16 г

яйкі курыныя 2 шт.

пшанічная мука 150 г

разрыхляльнік 1 гарбатная лыжачка

соль

Вішню трэба ачысціць ад костачак і сцадзіць сок. У міксер кладзем сметанковае масла пакаёвай тэмпературы, цукар і ванільны цукар. Змешваем на маленькай хуткасці да аднароднай масы. Па чарзе ўбіваем яйкі.

Прасеяную муку змешваем з дробкай солі і разрыхляльніка. Паступова дадаем муку. Старанна змешваем масу.

Гатовае цеста атрымліваецца вельмі далікатным і прыемным.

Форму для выпечкі засцілаем пергаментам і шмаруем сметанковым маслам. У форму лыжкай выкладваем цеста. Раўняем па дыяметры формы.

Зверху на цеста акуратна выкладваем падрыхтаваную вішню. Злёгку прыціскаем рукой. І адпраўляем наш пірог у разагрэтую да 180 градусаў духоўку на 50 хвілін.

Па жаданні, гатовы пірог можна пасыпаць ванільным цукрам або цукровай пудрай.

А з чым падаваць? Ды з усім! З гарбатай, кавай альбо есці проста так. Хоць, як мне здаецца, найбольш вішнёвы пірог будзе смакаваць з малаком альбо какавай. У якасці варыянта ў вішню можна дадаць крыху карыцы, таму што карыца «сябруе» з вішняй, гэтак, як і з яблыкамі.

Увогуле, вішня – вельмі карысная ягада. Яе ўжыванне станоўча ўплывае на сардэчна-сасудзістую сістэму. У вішні ёсць калій і магній, яны дапамагаюць выводзіць з арганізма лішнюю вадкасць. Ягада ўтрымлівае таксама шмат жалеза і гармон мелатанін, які паляпшае сон і нармалізуе працу эндакрыннай сістэмы.

Вішня здольная панізіць павышаны артэрыяльны ціск, зменшыць рызыку трамбозу і стэнакардыі, а таксама прадухіліць сардэчныя прыступы.

Ягада змяшчае хларагенавая кіслату, якая нармалізуе функцыі нырак і печані, а мякаць вішні карысная пры запаленні мачавога пухіра. Вядома таксама, што ягада здольная ўплываць на вастрыню зроку.

Вішня практычна не выклікае алергічных рэакцый, таму яна бяспечная для дзяцей.

вс

здымак мае ілюстрацыйны характар


Больш на гэтую тэму: Лыжка і відэлец