Праціўнікі рэжыму Лукашэнкі асцерагаюцца, што адразу пасля галасавання ўлады адключаць інтэрнэт, – пра сітуацыю ў Беларусі паведамляе «Rzeczpospolita».
Прыхільнікі Святланы Ціханоўскай ведаюць, што рабіць у выбарчую нядзелю: яны завязваюць белую стужку на руце, пасля абеда ідуць на выбарчы ўчастак галасаваць. Але не толькі гэта – яны павінны таксама зрабіць здымак свайго бюлетэня для галасавання і адправіць яго праз Telegram або Viber на партал ГОЛАС – інтэрнэт-платформу для справядлівага падліку галасоў на выбарах прэзідэнта belarus2020.org – паведамляе польская штодзёнка.
Такім чынам адразу пасля закрыцця выбарчых участкаў а 20 гадзіне будуць абвешчаныя «альтэрнатыўныя вынікі выбараў». На інтэрнэт-платформе ўжо зарэгістраваліся каля мільёна чалавек. Для аўтарызацыі кожны павінен пакінуць свой нумар тэлефону.
Выглядае, што ўпершыню ў гісторыі Беларусі адбудзецца маштабны незалежны exit pool, – піша «Rzeczpospolita»,
У Інтэрнэце з'явілася некалькі парталаў, якія тлумачаць беларусам, якім чынам абараняць свой голас.(honestby.org, zubr.in)
яс