X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

44 гады таму гурт АВВА прэзентаваў у Варшаве прэм'ерныя песні

08.10.2020 20:34
Прыбыццё гурта АВВА, дарэчы, было бадай што адзіным выпадкам у гісторыі польскага шоў-бізнесу тых гадоў, калі зорка сусветнай музыкі прыехала ў Польшчу перад прэм’ерай сваёй кружэлкі.
Аўдыё
  • 44 гады таму ў Польшчы адбылася беспрэцэдэнтная падзея – у краіну прыехала зорка тагачаснай сусветнай эстрады гурт АВВА
Zejście z 6-metrowych schodów i piosenka Dancing Queen - tak rozpoczął sie koncert ABBY w Warszawie 7 października 1976 roku
Zejście z 6-metrowych schodów i piosenka "Dancing Queen" - tak rozpoczął sie koncert ABBY w Warszawie 7 października 1976 rokuPAP/Ireneusz Radkiewicz

44 гады таму ў Польшчы адбылася беспрэцэдэнтная падзея – у краіну прыехала зорка тагачаснай сусветнай эстрады гурт АВВА. Шведы выступілі на Польскім тэлебачанні, у тым ліку выканаўшы ў Варшаве некалькі песень, якія мелі ў польскай сталіцы сусветную прэм’еру.

З’яўленне 7 кастрычніка 1976 года шведскага гурта АВВА ў Польскай Народнай Рэспубліцы эпохі Эдварда Герэка можна параўнаць з прыездам у ПНР The Rolling Stones дзевяццю гадамі раней.

Прыбыццё гурта АВВА, дарэчы, было бадай што адзіным выпадкам у гісторыі польскага шоў-бізнесу тых гадоў, калі зорка сусветнай музыкі прыехала ў Польшчу перад прэм’ерай сваёй кружэлкі. Кружэлкі, якая бадай што з’яляецца найлепшай і якая ўтрымлівае такія творы, як «Dancing Queen», «Knowing Me, Knowing You», «Money, Money, Money» і «Fernando». Тады, 44 гады таму, АВВА запісала гэтыя творы на Польскім тэлебачанні для папулярнай перадачы Studio-2.

Дарэчы, песні «Knowing Me, Knowing You» і «Money, Money, Money» мелі ў Варшаве сваю сусветную прэм’еру – для шырокай публікі яны ўпершыню прагучалі менавіта ў польскай сталіцы.

Пару гадоў таму выйшла кніга пад назвай «АВВА ў Польшчы», аўтарам якой з’яўляецца Мацей Араньскі. У кнізе ёсць нямала цікавых фактаў, звязаных са знаходжаннем шведскай каманды ў Варшаве. У польскай сталіцы гурт пражываў у гатэлі «Форум», якія быў здадзены ў эксплуатацыю ў студзені 1974 года. Дарэчы, саму гасцініцу пабудавала шведская фірма. Дык вось, каля «Форума» гурт АВВА чакалі тысячы прыхільнікаў каманды! На запісе праграмы ў студыі Польскага тэлебачання прыняло ўдзел каля 100 чалавек публікі. Канцэрт у запісе паказалі 13 лістапада 1976 года. Сучаснікі казалі, што ў час паказу выступу па ТБ вуліцы польскіх гарадоў былі пустыя!

Дарэчы, салістка Агнэта Фельтскуг прыляцела ў Варшаву на дзень раней чым гурт, таму перад запісам на тэлебачанні яе можна было сустрэць у варшаўскіх універмагах, дзе яна рабіла пакупкі. А пасля канцэрта члены гурта накіраваліся на экскурсію ў варшаўскі Стары горад. І яшчэ адзін цікавы факт: на прэс-канферэнцыі абедзве салісткі пілі... польскую гарэлку. Зразумела, не, як гэта гаворыцца, «залпам», а пакрысе.

У тыя часы Польская Народная Рэспубліка мела праблемы з замежнай валютай, таму грошай, каб заплаціць шведам за канцэрт, не было. Менеджары АВВА дамовіліся з польскім бокам, што Польскае тэлебачанне заплаціць за прыезд музыкантаў, іх знаходжанне ў Варшаве і за запіс канцэрту. Узамен АВВА атрымае права на продаж запісу ў свеце за выключэннем краін сацлагера. Хоць гаварылася таксама пра тое, што за выступленне Польшча паставіла ў Швецыю некалькі вагонаў кансерваванага зялёнага гарошку.

Агульна прыезд у Польшчы гурта АВВА вельмі спадабаўся, і асабліва – гасціннасць палякаў. Пра гэта яны не раз гаварылі ў размове з журналістамі, і не толькі польскімі.

Валеры Саўко

слухайце аўдыёфайл

на фота і відэа: канцэрт у студыі Польскага тэлебачання 7 кастрычніка 1976 года


Больш на гэтую тэму: Машына часу