X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Саліна – турыстычнае сэрца гораў Бяшчады(ФОТА)

23.10.2020 17:11
Курортны гарадок вядомы перш за ўсё магутнай гідратэхнічнай пабудовай і ўзніклым дзякуючы гэтаму вадасховішчам.
Аўдыё
  • Саліна – турыстычнае сэрца гораў Бяшчады.
  .
Плаціна ў Саліне.Photo: Anna Zadrożna/Redakcja Białoruska/PRdZ

Саліна (Solina) – курортны гарадок на поўдні Польшчы, вядомы магутнай плацінай, якая з’яўляецца адной з найбольш вядомых турыстычных славутасцей гарадка і ўсяго рэгіёну гор Бяшчады.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

Каб наведаць плаціну ў Саліне трэба пакінуць свой транспартны сродак на адной са шматлікіх стаянак. Да брамы гідратэхнічнай пабудовы вядзе дарожка паміж незлічонай колькасцю шапікаў з сувенірамі.

Непасрэдна перад уваходам на самы верх плаціны есць інфармацыйная дошка, якая коратка паведамляе пра найважнейшыя параметры плаціны i электрастанцыi ды дату іх будаўніцтва. Раней на тэрыторыі аб’екта дзейнічала поўная забарона фатаграфавання, цяпер ужо яе няма.

Плаціна ў Саліне - інфармацыйная дошка. Photo: Anna Zadrożna/Redakcja Białoruska/PRdZ Плаціна ў Саліне - інфармацыйная дошка. Photo: Anna Zadrożna/Redakcja Białoruska/PRdZ

З правага боку плаціны адкрываецца цудоўная панарама часткі вадасховішча – Салінскага возера. У сваю чаргу з левага боку вялікае ўражанне робіць аснова плаціны, якая знаходзіцца некалькі дзясяткаў метраў ніжэй.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

Салінскае возера - гэта 500 мільёнаў кубічных метраў вады, якую ў межах сховішча трымаюць зялёныя ўзгоркі гораў Бяшчады і 2 мільёны тон бетону ў выглядзе гідратэхнічных умацаванняў. Вадасховішча было створанае ў самым цэнтры Бяшчадаў і з’яўляецца турыстычным сэрцам усяго рэгіёна.

Плаціна ў Саліне - панарама часткі Салінскага возера. Photo: Anna Zadrożna/Redakcja Białoruska/PRdZ Плаціна ў Саліне - панарама часткі Салінскага возера. Photo: Anna Zadrożna/Redakcja Białoruska/PRdZ

Будаўніцтва вадасховішча на рацэ Сан (San) было б немагчымым, калі б не канцэпцыя прафесара Караля Памяноўскага (Karol Pomianowski) з 1921 года. Ейная рэалізацыя стала магчымай, калі пасля Другой сусветнай вайны да тэрыторыі Польшчы была зноўку далучаная частка  гораў Бяшчады, у тым ліку тэрыторыя, на якой было створанае вадасховішча.

Панарама часткі Салінскага возера. Photo: Anna Zadrożna/Redakcja Białoruska/PRdZ Панарама часткі Салінскага возера. Photo: Anna Zadrożna/Redakcja Białoruska/PRdZ

Варта адзначыць, што значна раней пачалося будаўніцтва меншай плаціны ў вёсцы Мычкоўцэ (Myczkowce). Калі вадасховішча ў Мычкоўцах было гатовае, пачаліся работы па ўзвядзенні другой плаціны ў Саліне.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

Будаўнічыя працы ў Саліне былі шырокамаштабным праектам. Дастаткова нaгадаць, што спачатку трэба было стварыць умовы працы i жыцця для 2 тысяч працаўнікоў. З гэтай мэтай у вёсцы Заброддзе (Zabrodzie) быў пабудаваны жылы раён, сталовыя, буйныя заводы па вытворчасці бетону i г.д. На вачах навакольных жыхароў узгорак Казінец пачаў знікаць. Створаны там кар'ер даў больш за мільён тон пяшчаніка, які выкарыстоўваўся падчас будаўніцтва салінскай плаціны.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

Цягам 8 гадоў была ўзведзеная самая высокая гідратэхнічная пабудова ў Польшчы, якая дазволіла збіраць воды рэк Сан і Салінка, а таксама дзясяткаў іншых меншых горных рэк. У выніку быў створаны найбуйнейшы ў Польшчы штучны вадаём, глыбіня якога сягае 63 метраў.

Салінскае возера. Photo: Anna Zadrożna/Redakcja Białoruska/PRdZ Салінскае возера. Photo: Anna Zadrożna/Redakcja Białoruska/PRdZ

Было створанае Салінскае возера, якое назаўсёды змяніла геаграфію Бяшчадаў. Яго  плошча складае 22 квадратныя кіламетры, а даўжыня берагавой лініяй - больш за 150 кіламетраў. Пад вадой зніклі таксама шматлікія вёскі, а тыя, якія размяшачаліся па-суседску, раптам сталі вельмі адлеглымі.

Узнікненне Салінскага возера прычынілася да змены клімату ў Бяшчадах. Вадасховішча паглынае цеплыню летам і аддае яе зімой, таму гадавыя амплітуды тэмпературы зменшыліся. Апрача таго, на возеры часцей уздымаецца вецер, што прыцягвае аматараў водных відаў спорту.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

Сама плаціна ў Саліне – гэта вынік 8-гадовай працы 2 тысяч рабочых. Даўжыня жалезабетоннага калоса складае 664 метры. Плаціна мае гравітацыйны характар - гэта значыць, што яе вага эфектыўна супрацьстаіць напору вады. Па версе плаціны праходзіць дарога шырынёй у 8 метраў, якая з’яўляецца найбольш папулярным сярод турыстаў прагулачным праспектам.

Унутры плаціны знаходзяцца тэхнічныя тунэлі, агульная даўжыня якiх складае 2,5 кіламетра. Два з гэтых тунэляў адкрытыя для турыстаў, але наведаць іх можна выключна з гідам.

Варта памятаць, што ўнутры дамбы існуе пастаянная тэмпература на ўзроўні 7-8 º Цэльсія, а вільготнасць складае 100%. У плаціне забараняецца рабіць здымкі.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

 Вялікае ўражанне робіць факт, што ў пэўны момант па нутры плаціны над галовамі турыстаў знаходзіцца амаль 82 метры бетону вагой у 2 мільёны тон! Дадаткова найніжэйшы тунэль размешчаны 6 метраў ніжэй на узровень дна возера.

У тунэлях кожныя некалькі метраў размешчаныя вымяральныя прылaды, якія правяраюць ціск у бетоне, напружанне, тэмпературу і вільготнасць, а таксама паток вады, якая паступае праз шчыліны ў сценах плаціны.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

Аднак плаціна - гэта толькі частка аб’екта, які ўзнік у 1960-ыя гады мінулага стагоддзя. Не менш важная электрастанцыя, якая знаходзіцца ўнутры гідратэхнічнай пабудовы.
Салінская электрастанцыя вырабляе энергію ў часе гэтак званага „энергетычнага піка”, то бок, калі попыт на яе раптоўна павялічваецца.

Плаціна ў Саліне. Photo: Anna Zadrożna/Redakcja Białoruska/PRdZ Плаціна ў Саліне. Photo: Anna Zadrożna/Redakcja Białoruska/PRdZ

У 2000 годзе электрастанцыя была мадэрнізаваная, а ўвесь працэс вытворчасці энергіі камп'ютарызаваны. Цяжка сабе гэта ўявіць, але цяпер увесь працэс вытворчасці энергіі ад яго запуску да перадачы ў сістэму займае менш за 2 хвіліны.

Плаціна ў Саліне - інфармацыйная дошка. Photo: Anna Zadrożna/Redakcja Białoruska/PRdZ Плаціна ў Саліне - інфармацыйная дошка. Photo: Anna Zadrożna/Redakcja Białoruska/PRdZ

Пасля наведвання плаціны можна накіравацца на пляж, які знаходзіцца побач, альбо на прыстань для малых турыстычных суднаў, якія ў сезоне практычна кожныя 30 хвілін адпраўляюцца ў рэйсы па Салінскiм возеры.

Плаціна ў Саліне - панарама . Photo: Anna Zadrożna/Redakcja Białoruska/PRdZ Плаціна ў Саліне - панарама . Photo: Anna Zadrożna/Redakcja Białoruska/PRdZ

Анна Задрожна

Больш на гэтую тэму: Запрашаем у Польшчу