X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Якія тэндэнцыі ў харчаванні назіраюцца ў час пандэміі

21.02.2021 13:41
Важным фактарам добрага самаадчування з’яўляецца, між іншым, спосаб харчавання. 
Здымак мае ілюстрацыйны характарShutterstock/Elenadesign.

Час пандэміі спрыяе зменам прызвычаенняў рознага тыпу. На працягу апошніх тыдняў мы гаварылі пра новыя тэндэнцыі ў транспарце і міжлюдскіх адносінах. Сёння паразмаўляем пра харчаванне.

І так, з часу першага лакдаўну, які пачаўся ўжо амаль год таму, на прадуктовым рынку адбылося шмат зменаў. Бадай больш чым за папярэдняе дзесяцігоддзе. На гэта паўплывала некалькі фактараў. Па-першае, людзі спужаліся новай рэчаіснасці: у крамах апусцелі паліцы, бо ўсе скуплялі грэчку, макароны і прадукты з доўгім тэрмінам захоўвання. Доктар Юстына Арлоўская з Дзяржаўнага цэнтра па зменах клімату разам са сваімі калегамі даследавала змены ў захаванні палякаў у часе пандэміі, у тым ліку ў спажывецкай галіне. Аказалася, што вынікі неадназначныя:

-Усе тры трэнды бачныя ў нашых даследаваннях - гэта як адсутнасць зменаў у параўнанні з перыядам да пандэміі і лепшае выкарыстанне харчавання, так і горшае. Найчасцей людзі адказвалі, што лепш выкарыстоўваюцца прадукты менш чым перад пандэміяй. Гэта адбываецца таму, што няма спантанных выхадаў у пункты грамадскага харчавання. І ў выніку няма сітуацыі, што нам захацелася з’есці нешта ў горадзе, а хатні абед змарнуецца. Усё стараемся есці да канца, марнуем значна менш, бо невядома, калі наступны раз будзе магчымасць пайсці ў краму або як увогуле гэта запланаваць. Гэтаму спрыяла таксама тое, што шмат людзей увогуле пачалі планаваць свае пакупкі і рабіць спісы патрэбных рэчаў. На маю думку, гэта часткова праходзіла на фоне нашага досведу з камуністычных часоў, страху перад стратай дабрабыту з дня ў дзень. Гэты страх спрыяў ашчаднаму планаванню спажывання і лепшаму выкарыстанню прадуктаў.

Пошук новых магчымасцяў у харчаванні, часцейшае прыгатаванне ежы дома за кошт кафэ і рэстаранаў спрычыняцца і да развіцця новых бізнес-праектаў і ідэй па выкарыстанні прадуктаў. Адной з ідэалогій, датычных больш свядомага спажывання, з’яўляецца так званы харчовы суверэнітэт. Яго галоўнай мэтай з’яўляецца вызваленне прадукцыі прадуктаў харчавання ад уплыву карпарацый і дзяржаваў, якія перш за ўсё грашова падтрымліваюць масавую сельгаспрадукцыю за кошт маленькіх фермаў і індывідуальных гаспадарак. Гэта прама ўплывае на тое, што вялікія фермы могуць прадаваць сваю прадукцыю танней і ў вялікім маштабе, бо частка іх вытворчага працэсу фінансуецца грантамі. Пра гэта расказала Марта Лукоўская з праекту Nyeleni Polska:

-Важна зразумець, адкуль у супермаркетах нізкія цэны. Ці гэта сапраўды мала каштуе? Калі кажам пра супермаркеты, то часцей за ўсё кажам пра сітуацыю, калі фермер, які хоча пастаўляць сваю прадукцыю ў краму, павінен быць дастаткова буйным прадпрымальнікам, каб выканаць чаканні і ўмовы кантракту па дастаўцы тавараў у вялікай колькасці. Прычым, напрыклад, агародніна павінна мець адпаведны выгляд. Варта памятаць, што ў прыродзе маркоўка не выглядае так як у краме. Нават калі сёння сеткі ўвайшлі ў «greenwashing» і прадаюць, скажам так, неідэальныя прадукты, то гэта не мяняе факту, што супермаркеты ў нейкім сэнсе нішчаць рынак і малых вытворцаў. А адкуль бяруцца нізкія цэны? Яны бяруцца адтуль, што буйныя пастаўшчыкі субсідуюцц намі праз дзяржаўныя ды еўрапейскія праграмы. Мы плацім за прадукты падчас пакупак толькі часткова – за іх плацім таксама за пасярэдніцтвам нашых падаткаў, з якіх ідуць грошы на датацыі сельскай гаспадаркі. Кошт сельнасдатацый з фондаў ЕС  - гэта трэцяя частка ўсіх выдаткаў структуры. Зразумела, грошы ідуць з нашых падаткаў.

У такой сітуацыі пандэмічны час можа надалей знішчаць малы бізнес, бо людзі, якія сталі рабіць больш буйныя пакупкі, але раз у тыдзень ці радзей, за імі ездзяць у супермаркеты, а не купляюць у мясцовых прадаўцоў. Інакш сітуацыя выглядае ў меншых населеных пунктах – там людзі купляюць у лакальных вытворцаў.

Адначасова сярод трэндаў адзначаецца папулярнасць прадуктаў расліннага паходжання. У Польшчы за 2020 год значна ўзраслі продажы замяняльнікаў мяса і малочных прадуктаў, што ствараюцца з раслінаў.

Альберт Ежы Вяжбіцкі