Яшчэ напярэдадні Дня Усіх Святых 1 лістапада спецыяльны зварот да вернікаў апублікавала Радамская архідыяцэзія. Ксяндзы заклікаюць вернікаў адмовіцца ад штучных кветак і пластыкавых лямпачак. «Дастаткова аднаго зніча і малітвы», – пераконваюць касцельныя ўлады, а пра гэта пішуць на партале money.pl.
Каталіцкі касцёл лічыць што, клапоцячыся аб магілах блізкіх, варта таксама памятаць аб навакольным асяроддзі. «Адмоўцеся ад штучных вянкоў і кветак, якія масава забруджваюць могілкі і руйнуюць навакольнае асяроддзе», – звярнулася да вернікаў Радамская архідыяцэзія.
Святары таксама заклікалі ў Дзень Усіх Святых не ставіць занадта шмат свечак на магілах. Дастаткова аднаго, сімвалічнага зніча. Бо важней за ўсё – памяць і малітва за памерлых.
Радамскія ксяндзы вырашылі на завяршэння свайго звароту працытаваць словы Папы Францішка, які назваў забруджванне зямлі атрутнымі рэчывамі «грахом».
эж