Палякі моцна падзеленыя ў справе ўвядзення абмежаванняў для непрывітых

Апытанне, праведзенае для «Super Express», паказвае, што меркаванні палякаў на гэты конт вельмі падзеленыя.

Вакцынацыя супраць Covid-19

PAP/Jakub Kaczmarczyk

На думку 48% рэспандэнтаў у Польшчы трэба ўвесці абмежаванні для людзей, якія не прышчэпленыя супраць COVID-19. Супрацьлеглага меркавання прытрымліваюцца 47% апытаных, 5% не маюць ніякага меркавання. Апытанне, праведзенае для «Super Express», паказвае, што меркаванні палякаў на гэты конт вельмі падзеленыя.

Штодзёнка падкрэслівае, што «поўнасцю прышчэпленыя ў краіне складаюць 53,3% насельніцтва, а значыць, не ўсе выступаюць за ўвядзенне дадатковых абмежаванняў для тых, хто гэтага не зрабіў».

«SE» папрасіў ацаніць вынікі ў сацыёлага прафесара Генрыка Даманьскага. «Даволі дзіўны вынік. Я б чакаў, што працэнт тых, хто падтрымлівае абмежаванні, будзе большы. У рэшце рэшт, калі хтосьці зрабіў прышчэпку, ён хацеў бы атрымаць ад гэтага нешта большае, а не толькі меншую рызыку заражэння. Павінна быць нейкая справядлівасць. Частка людзей увогуле ацэньвае абмежаванні як умяшанне дзяржавы ў іх асабістае жыццё, што недапушчальна», – рэзюмаваў ён.

ав