X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польшча рыхтуецца да правядзення Еўрапейскіх гульняў-2023(ФОТА)

22.06.2022 11:05
Польшча з’яўляецца трэцім гаспадаром гэтай падзеі ў гісторыі. Апошнія Еўрапейскія гульні прайшлі ў Мінску.
Аўдыё
  • Польшча рыхтуецца да правядзення Еўрапейскіх гульняў-2023
a  ,      2023
Лaгатып Еўрапейскіх гульняў, якія пройдуць у Польшчы ў 2023 годзеPAP/Art Service 2

У Кракаве пачаўся адлік да інаўгурацыі Еўрапейскіх гульняў. Да адкрыцця спартыўнага мерапрыемства заставаўся год. Наступныя 365 дзён арганізатары хочуць выкарыстаць для ўдакладнення дэталяў мерапрыемства, а таксама неабходнай падрыхтоўкі спартыўных аб’ектаў.

Паводле старшыні Аргкамітэта Еўрапейскіх гульняў -2023 Марціна Новака(Marcin Nowak), падрыхтоўка да мерапрыемства ўступае ў заключны этап:

- Зараз мы пачынаем найбольш складаны этап працы, які пачаўся заключэннем 17 траўня ў Варшаве «Host City and Region Contract» паміж Еўрапейскай асацыяцыяй алімпійскіх камітэтаў і гаспадарамі гульняў. Гэта быў паваротны момант у працы аргкамітэта і ўсіх асобаў, заангажаваных у падрыхтоўку мерапрыемства. З гэтага моманту мы маем права гаварыць, што мы – афіцыйны гаспадар трэціх Еўрапейскіх гульняў і ініцыяваць канкрэтныя падрыхтоўчыя дзеянні.

Старшыня аргкамітэта Еўрапейскіх гульняў -2023 Марцін Новак/ PAP/Art Service 2 Старшыня аргкамітэта Еўрапейскіх гульняў -2023 Марцін Новак/ PAP/Art Service 2

У найбуйнейшым горадзе Малапольшчы – Кракаве пройдуць змаганні па васьмі дысцыплінах.
«Мы павінны выкарыстаць наступныя 365 дзён, каб удакладніць дэталі мерапрыемства, а таксама правесці неабходны рамонт спартыўных аб’ектаў», – паясняе старшыня аргкамітэта:

- Праца, якая была выкананая да гэтай пары мае канцэптуальны характар. Зараз у нас застаўся год, каб яе ажыццявіць. У гэтым дапамогуць адпаведныя сродкі. Мы хочам, каб аб’екты падрыхтаваныя для гульняў служылі грамадзянам яшчэ многія гады і нагадвалі пра гэтую важную падзею.

Найбольш працы спатрэбіцца на рамонт і пашырэнне гарадскога стадыёна ў Кракаве, дзе запланаваныя цырымоніі інаўгурацыі і закрыцця мерапрыемства, паясняе Марцін Новак:

- У нас часу дастаткова для правядзення згаданага рамонту. Я перакананы, што мы ў стане правесці, як урачыстае распачацце, так і заканчэнне гульняў у згаданым аб’екце.

Учора на Шчэпанскай плошчы ў Кракаве быў усталяваны гадзіннік, які паказвае час да распачацця Еўрапейскіх гульняў. Адбылася таксама прэзентацыя лагатыпа мерапрыемства.

Aўтар лагатыпа Марцін Салява /PAP/Art Service 2 Aўтар лагатыпа Марцін Салява /PAP/Art Service 2

«Графічная ідэнтыфікацыя мерапрыемства мае форму алімпійскага агню ў колерах горада і рэгіёна, яна таксама адносіцца да характэрных мясцовых элементаў і помнікаў», – паясніў аўтар лагатыпа Марцін Салява(Marcin Salawa):

- Алімпійскі агонь – гэта сімвал адзінства, сілы, праведнасці і праўды. Ён сімвалізуе таксама агонь, паветра і ваду. Гаворка ідзе і пра пэўныя геаграфічныя, характэрныя для Малапольшчы і Кракава элементы – гэта вежы Марыяцкага касцёла і вяршыні Татраў.

Лагатып быў падрыхтаваны ў 10 каляровых варыянтах. Лічбы 2023 павінны нагадваць пяць алімпійскіх кольцаў. Выкарыстаныя колеры: сіні, чырвоны і жоўты навязваюць да афіцыйных колераў Кракава і Малапольшчы.
«Лагатып прыгожы. Я спадзяюся, што гэта будзе не толькі маё меркаванне, але і ўсіх, хто яго бачыць. Ён адлюстроўвае сімвалы, звязаныя з Малапольшчай і Кракавам», – сказаў маршалак Малапольскага ваяводства Вітальд Казлоўскі.

Лагатып распрацавала кракаўская кампанія Advertstudio. Кошт склаў амаль 107 тысяч злотых.
Прэзентацыя лагатыпа запусціла рэкламную кампанію мерапрыемства. На Шчэпанскай плошчы ў Кракаве быў створаны таксама алімпійскі гарадок, які павінен стаць месцам адпачынку і фізічнай актыўнасці. Быў падрыхтаваны і першы рэкламны ролік.

На Шчэпанскай плошчы ў Кракаве быў усталяваны гадзіннік, які паказвае час да распачацця Еўрапейскіх гульняў /PAP/Łukasz Gągulski На Шчэпанскай плошчы ў Кракаве быў усталяваны гадзіннік, які паказвае час да распачацця Еўрапейскіх гульняў /PAP/Łukasz Gągulski

Цырымонія адкрыцця Еўрапейскіх гульняў-2023 запланаваныя на 21 чэрвеня на Гарадскім стадыёне ў Кракаве, гэта таксама сядзіба мясцовага футбольнага клуба «Вісла-Кракаў». Там жа, 2 ліпеня, адбудзецца афіцыйнае закрыццё гульняў.

Еўрапейскія гульні – гэта дванаццаць дзён спартыўных спаборніцтваў на самым высокім еўрапейскім узроўні. У Малапольшчу прыедуць 7,5 тысяч спартсменаў з 50 краін. Яны будуць спаборнічаць у 24 дысцыплінах на спартыўных аб’ектах у Кракаве, Крыніцы-Здруй, Тарнаве, Закапанэ, а таксама за межамі Малапольшчыны. Спаборніцтвы па лёгкай атлетыцы пройдуць на стадыёне «Сілезія» ў Хожаве, а спаборніцтвы па стральбе – у Вроцлаве.

Еўрапейскія гульні – гэта адносна новая спартыўная падзея, якая праводзіцца раз у чатыры гады. Яна аб'ядноўвае спаборніцтвы, якія адпавядаюць кваліфікацыі да сапраўдных Алімпійскіх гульняў, і Чэмпіянату Еўропы па многіх дысцыплінах.

Нагадваем, добры вынік – гэта для спартсменаў пропуск на Алімпійскія гульні ў Парыжы ў 2024 годзе, а спаборніцтвы ў многіх іншых дысцыплінах пройдуць у фармаце Чэмпіянату Еўропы. Гэта гарантуе спартыўныя эмоцыі на самым высокім узроўні.

Упершыню мерапрыемства адбылося ў Баку ў 2015 годзе. Другія Еўрапейскія гульні ў 2019 годзе прайшлі ў Мінску ў Беларусі. Польшча з’яўляецца трэцім гаспадаром гэтай падзеі ў гісторыі.

аз

Польшча рыхтуецца да арганізацыі ІІІ Еўрапейскіх гульняў

19.01.2022 11:07
Польшча стане трэцім гаспадаром гэтай падзеі ў гісторыі. Другія Еўрапейскія гульні прайшлі ў Мінску.