Чыгуначны вакзал PKP Gdańsk Główny – гэта ўзор архітэктуры мяжы ХІХ і ХХ стагоддзяў. Мадэрнізацыя закранула як вонкавы выгляд, так і ўнутраны функцыянал будынка.
У галоўнай залі пасажыраў чакае каса, аздобленая дубовымі панэлямі, шматлікія сучасныя вітрыны. Асвятленне ў будынку зроблена на ўзор гістарычнага вобразу будынка. Па архіўных фотаздымках рэканструяваны вітражы і картушы з гербамі паморскіх гарадоў.
На ўзроўні -1 ёсць гульнявыя пакоі для самых маленькіх пасажыраў. Прыбіральні чыстыя і бясплатныя, ліфт і эскалатары на платформы працуюць бездакорна. Ёсць таксама вялікія чытэльныя экраны дынамічнай сістэмы інфармавання пасажыраў.
Яшчэ працягваюцца работы ў правым крыле аб'екта, на тэрыторыі былога рэстарана «Макдоналдс». Тут будзе вялікая зала чакання.
– На маю думку, гэта найпрыгажэйшы вакзал у Польшчы, таму прыемна, што яго нарэшце абнавілі. Вялікае ўражанне робіць новае аздабленне з дрэва вокнаў і дзвярэй, шкада, што яшчэ не гатовая зала чакання. Агульны эфект, аднак, безумоўна, вельмі пазітыўны, – сказаў спадар Марэк, які прыехаў на адпачынак з Малапольшчы.
– Шкада, што гэты рамонт зацягнуўся, але ў выніку мы маем вакзал на ўзроўні вялікага еўрапейскага горада. Спадзяюся, праз тыдзень не перастануць працаваць ліфты і лесвіцы, як гэта часта бывае з тымі, што вядуць з тунэлю на аўтавакзал. І няхай ён будзе дагледжаны і не заняты бяздомнымі, што часта было тут праблемай да рэканструкцыі, – адзначыў спадар Люцыян з гданьскага Прымор’я, які спецыяльна прыехаў паглядзець на вынікі мадэрнізацыі.
Паводле Gazeta Wyborcza / вх