Неўрадавая арганізацыя Greenpeace Polska правяла дзёрзкую акцыю ў порце Гданьска, заблакаваўшы грузавое судна з фрахтам вугалю, паведамляе газета Rzeczpospolita. На борт парусніка Rainbow Warrior, які блакіраваў сухагруз, падняліся супрацоўнікі Памежнай службы Польшчы і затрымалі актывістаў арганізацыі.
Паводле Greenpeace Polska, польскі ўрад нічога не робіць для аховы клімату, для прыкладу, не інвестуе ў аднаўляльную энергію і не абмяжоўвае выкарыстання вугалю, а наадварот – імпартуе згаданае паліва. Паколькі вугалю, які здабываецца ў Польшчы, не хапае, то прыходзіцца імпартаваць перш за ўсё з Расіі ды нават з вельмі далёкіх краін: Аўстраліі, Калумбіі, Мазамбіку. Менавіта балкер, які быў заблакіраваны ў гданьскім порце, следаваў з грузам вугалю з Мазамбіка.
Паводле Greenpeace Polska, калі ўлады Польшчы ды іншых краін нічога не зробяць для аховы клімату, то праз пару дзясяткаў гадоў свет, які мы ведаем, перастане існаваць, паведамляе газета Rzeczpospolita.
вс