Працэдура арганізавана ў беспрэцэдэнтным маштабе, а яе арганізатары і курʼеры гатовыя на ўсё. Для перавозкі яны выкарыстоўваюць некалькі машын, а ў выпадку праверкі ўцякаюць, ладзяць адчайныя гонкі, якія часта заканчваюцца трагічна.
«Даводзіцца рабіць папераджальныя стрэлы, чаго раней не было. Пачашчаюцца таксама пагоні за машынамі кантрабандыстаў, якія рухаюцца з вялікай хуткасцю, ствараючы пагрозу на дарогах», – прызнае выданню «Rzeczpospolita» Ганна Міхальска, прэс-сакратар Галоўнай управы Памежнай службы.
Паводле звестак Памежнай службы, кантрабандыстаў затрымліваюць усё часцей: толькі за чатыры месяцы гэтага года (да 4 траўня) на польска-беларускай мяжы іх затрымалі 280 (для параўнання за ўвесь мінулы год – 401). Рост мае экспанентны характар, бо гэта значыць, што ў сярэднім штомесяц затрымліваюць цяпер каля 70 чалавек, летась – толькі 33.
«Пераважаюць грамадзяне Украіны, Грузіі, Узбекістана і Польшчы. Астатнія паходзяць з Ірана, Алжыра і Кыргызстану. Усіх іх вінавацяць у арганізацыі незаконнага перасячэння мяжы або ў пасобніцтве ў гэтым злачынстве», – адзначае Ганна Міхальска.
На дагэтуль бяспечным Падляшшы адбываюцца сцэны, як з нашумелых фільмаў. У красавіку каля Нараўкі адзін кур’ер не спыніўся для праверкі, праігнараваўшы светлавыя і гукавыя сігналы. Ён уцякаў, пакуль не пратараніў плот, пасля чаго ўцёк. Ён вёз шэсць афганцаў.
Праз некалькі дзён пад Белавежай кіроўца, якога спрабавалі затрымаць, таксама ўцёк. Яго аўтамабіль вылецеў з дарогі і ўрэзаўся ў дрэва. Пяць чалавек – у тым ліку польскі кіроўца і чацвёра сірыйцаў – былі дастаўлены ў бальніцу. Каб выняць іх з машыны неабходна было разрэзаць аўтамабіль.
«Кантрабандысты як ніколі ў адчаі. Мы баімся, што аднойчы пры такіх уцёках яны кагосьці забʼюць», – распавядаюць памежнікі.
ав/Rzeczpospolita