Палітыкі партыі «Права і справядлівасць» (PiS) прапануюць увесці ў школах пасаду медыятараў. А Міністэрства адукацыі, нягледзячы на вета прэзідэнта, выступае за стварэнне сістэмы абаронцаў правоў вучняў — паведамляе «Dziennik Gazeta Prawna». Больш за 30 палітыкаў PiS падалі ў Міністэрства нацыянальнай адукацыі адпаведную інтэрпеляцыю з прапановай стварыць праграму «Медыятар у кожнай школе».
Калі новая пасада будзе ўведзена, ролю медыятара будзе выконваць кваліфікаваны педагог. Медыятар, акрамя вырашэння спрэчак паміж дырэктарамі і настаўнікамі, настаўнікамі і бацькамі, а таксама настаўнікамі і вучнямі, будзе каардынаваць медыяцыю паміж аднагодкамі, сярод іншага, і развіваць навыкі перамоў, камунікацыі і дыскусій у вучняў.
— Медыяцыя — гэта каштоўны інструмент для вырашэння канфліктаў у школах. Аднак яна не замяняе амбудсмена па правах вучняў, — заявіла прэс-сакратар Міністэрства нацыянальнай адукацыі Эвеліна Гарчыца (Ewelina Gorczyca).
Аднак прэзідэнцкае вета не азначае канца ідэі Міністэрства нацыянальнай адукацыі па інстытуцыйнай абароне правоў школьнікаў. Мінадукацыі абвясціла, што створыць частку сістэмы без прыняцця заканадаўства. Будзе прызначаны прадстаўнік, які будзе выконваць абавязкі нацыянальнага амбудсмена па правах вучняў. Амбудсмены павінны прысутнічаць у кожным органе кіравання адукацыі.
— Мы хочам, каб кожны школьнік і кожны бацька ведаў, куды ён можа звярнуцца па дапамогу, калі правы вучня не паважаюцца, — заявіла прадстаўніца Міністэрства нацыянальнай адукацыяй.
DGP/PAP/нг