З 16 студзеня па 1 лютага пройдуць буйныя тактычныя вучэнні авіяцыі Расіі і Беларусі, у якіх плануецца задзейнічаць усе аэрадромы і палігоны ВПС і войскаў СПА Беларусі. Афіцыйная мэта – удасканаленне ўзаемадзеяння ў рамках рэгіянальнай групоўкі войскаў Саюзнай дзяржавы, паведамляе старонка defence24.pl.
6 студзеня Аляксандр Лукашэнка быў афіцыйна праінфармаваны аб завяршэнні сумеснага з Расійскай Федэрацыяй фарміравання рэгіянальнай групоўкі войскаў. Гэта важны элемент інтэграцыі ўзброеных сіл абедзвюх краін у рамках Саюзнай дзяржавы.
У той жа час беларускія войскі праводзяць інтэнсіўныя вучэнні ва ўзаемадзеянні з расійскімі часткамі. У цяперашні час у рамках мерапрыемстваў сухапутных войскаў пройдуць і вучэнні авіяцыі. Гаворка ідзе пра тактычную авіяцыю, то бок баявы складнік ВПС Беларусі і ВПС Расіі.
У вучэннях плануецца задзейнічаць усе авіябазы і палігоны Беларусі. Гэтыя мерапрыемствы часткова супадаюць з працяглымі інтэнсіўнымі вучэннямі беларускай арміі і, безумоўна, з'яўляюцца элементам ціску на паўночнай мяжы Украіны. Канцэнтрацыя расійскіх ВПС на беларускіх базах пад выглядам удзелу ў вучэннях пачалася 8 студзеня.
Цікава, што дагэтуль не апублікаваныя агітацыйныя матэрыялы адносна тэхнікі і асабовага складу, якія перакідваюцца ў Беларусь, што дагэтуль было тыповай дзейнасцю, звязанай з такім відам расійскай дзейнасці.
Гэта выклікае зразумелую занепакоенасць Кіева, тым больш, што самалёты, якія дзейнічаюць над Беларуссю і яе базамі, часта выкарыстоўваліся для паветраных удараў па тэрыторыі Украіны.
У той жа час, аднак як украінскія, так і амерыканскія ваенныя крыніцы сыходзяцца ў меркаванні, што, з аднаго боку расійска-беларускія манеўры патрабуюць дадатковага забеспячэння паўночнай мяжы, але з іншага боку, вайсковыя аналітыкі не чакаюць хуткага ўключэння Беларусі ў вайну, паведамляе старонка defence24.pl.
аз