У лісце Польшча апісвае інцыдэнт як наўмысную правакацыю і пералічвае дамовы і пагадненні, якія парушыла Расія.
Павел Вроньскі заявіў, што прысутнасць беспілотніка ў Польшчы з'яўляецца часткай гібрыднай вайны:
– Расійска Федэрацыя парушыла трактат аб супрацоўніцтве і сяброўстве ад 1992 года, Канвенцыю аб грамадзянскай авіяцыі ад 1944 года, а таксама шмат звычайных законаў. Паводле МЗС, гэта была свядомая правакацыя з боку Расійскай федэрацыі, элемент гібрыднай вайны і чарговы акт непрыязі супраць Рэспублікі Польшча і еўрапейскіх дзяржаў.
Польшча таксама асудзіла дзеянні, накіраваныя супраць мірных жыхароў, і патрабуе тлумачэнняў ад Расіі. Паводле Міністэрства замежных спраў, інцыдэнт падрывае давер да Расіі ва ўсіх мірных перамовах.
IAR/вх