Апошнія дадзеныя Галоўнае статыстычнае ўпраўленне (GUS) падрыхтавала ў верасні 2025 года, больш свежых дадзеных няма. На падставе апытання работнікаў ведамства вызначыла сярэдні заробак у Польшчы. Гэта медыянны заробак, а не сярэдні, таму ён адлюстроўвае зарплату не скажоную заробкамі генеральных дырэктараў.
Медыяна — гэта заробак, пры якім палова зарабляе больш, а палова менш.
Такім чынам, у верасні мінулага года медыянны заробак у Польшчы складаў 7 145,33 злотых брута ў месяц.
Для параўнання, у той жа час сярэдні заробак у нацыянальнай эканоміцы склаў 8 649 злотых брута ў месяц. Гэтая розніца звязаная з высокімі заробкамі дырэктараў.
7100 злотых брута азначае, што сярэдні чысты заробак па працоўнай дамове склаў 5200,80 злотых у месяц, у той час як працадаўца, уключаючы ўсе ўзносы і падаткі, павінен быў унесці 8609 злотых.
У параўнанні з аналагічным перыядам мінулага года медыяна павялічылася на 6,9%, што пры інфляцыі ў 2,9% азначае рэальны рост заработнай платы на 3,9%.
Аднак сярэдні заробак расце хутчэй, чым медыяна, на 7,1% у параўнанні з аналагічным перыядам мінулага года. Гэта азначае, што больш высокія заробкі раслі хутчэй, чым самыя нізкія.
Згодна з дадзенымі Галоўнага статыстычнага ўпраўлення, каб патрапіць у 10% самых багатых людзей у Польшчы, трэба было атрымліваць 13 565,16 злотых брута ў месяц, што пры наяўнасці працоўнага дагавора складае штомесячны даход крыху менш за 9 300 злотых чыстымі.
Адначасова дадзеныя паказваюць, што 20% тых, хто зарабляе найменш, атрымліваюць не больш за 5 088 злотых брута ў месяц. Можна сказаць, што амаль кожны пяты чалавек, які працуе ў Польшчы, атрымлівае мінімальную заработную плату.
Паколькі ў Польшчы працуе 17 мільёнаў 346 тысяч чалавек, гэта азначае, што прыблізна 3 мільёны 400 тысяч чалавек у Польшчы атрымлівалі мінімальную заработную плату.
яс