X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Польская даследчыца распрацавала электронны язык

29.08.2019 17:31
З дапамогай электроннага языка можна акрэсліць чысціню вады або выявіць падробкі, напр., віскі.
Аўдыё
  • Польская даследчыца распрацавала электронны язык
Zdjęcie ilustracyjne
Zdjęcie ilustracyjneShutterstock

Доктар інжынерыі Эмілія Віткоўская-Нэры (Emilia Witkowska-Nery) з Інстытута фізічнай хіміі Польскай акадэміі навук у Варшаве, стала лаўрэатам праграмы Фонду польскай навукі START 2019.

Электронны язык выкарыстоўвае хімічныя дэтэктары. Сістэма вывучае розныя складнікі і выяўляе хімічныя інгрэдыенты ў даследаваных вадкасцях.

Доктар Эмілія Віткоўская-Нэры дае прыклады выкарыстання электроннага языка.

 - Два асноўныя прыклады камерцыйнага выкарыстання электроннага языка – гэта, найперш, аналіз прадуктаў харчавання. Гэта ажыццяўляе таксама экспертная калегія. Аднак экспертная калегія дорага каштуе, а і ўдзельнікі не могуць прабаваць рэчывы бесперапынна, бо язык чалавека мусіць адпачыць. А электронны язык з’яўляецца інструментам, які можа гэта рабіць няспынна. А другое выкарыстанне – гэта тэставанне смаку лекаў. Прэпарат, прызначаны для дзяцей ці пажылых людзей, павінен падабацца пацыентам па смаку. І ў гэтым выпадку таксама дапамагае электронны язык.

Доктар інжынер Эмілія Віткоўская-Нэры, скарыстаўшы ўласны досвед i запатрабаванасць распрацавала турыстычны варыянт электроннага языка для ацэнкі чысціні вады. Навуковец праходзіла практыку ў Бразіліі, дзе сутыкнулася з праблемай бруднай пітной вады.

 - У Польшчы няма гэтай праблемы, але ў Бразіліі бывае, што ў бутэльцы з вадой, купленай у краме і закрытай, праз 2 тыдні пачынае нешта развівацца. Для мясцовых гэта зусім нармальная з’ява, маўляў, сонца свеціць, там штосьці было, то і нарасло. Але ж, ці нам трэба трымаць усе бутэлькі на сонцы 2 тыдні і чакаць, ці там нешта вырасце, ці не? Гэта праблема не толькі Бразіліі, многіх іншых раёнаў свету. Нават на паездках allinclusive шмат турыстаў пакутуе ад паносу, што звязана са спажываннем напояў з лёдам з мясцовай вады.

І таму польская даследчыца збіраецца стварыць стартап і прадаваць мініяцюрны электроны язык.

- Гэта быў бы камплект з двух частак – дэтэктара памерам 5 на 5 сантыметраў, які праз блютуф будзе спалучацца са смартфонам. Да дэтэктара будуць далучаныя заменныя лакмусавыя паперкі. Кожная паперка будзе актыўнай 6-8 тыдняў. За гэты час можна шмат разоў праверыць якасць вады. Дэтэктар прымае інфармацыю і адпраўляе яе ў смартфон, там інфармацыя праходзіць аналіз праз алгарытм і карыстальнік ведае, ці дадзеная вада чыстая, ці не.

Электронны язык пакуль толькі прыстасаваны да праверкі вадкасцяў, але доктар інжынер Эмілія Віткоўская-Нэры плануе зрабіць прыладу для праверкі і іншай ежы на наяўнасць пестыцыдаў і іншага забруджання. Такім чынам можна будзе праверыць, ці экалагічныя прадукты сапраўды чыстыя, ці толькі дарагія.

яс/ПР1/Кшыштаф Міхальскі

Больш на гэтую тэму: Навука і тэхніка