Расійскі дэсантны карабель «Орск», знішчаны ўкраінскімі сіламі ў акупаваным Расіяй порце Бярдзянск, быў здольны перавозіць каля 400 вайскоўцаў, 45 БТР і 20 танкаў, паведаміла намесніца міністра абароны Украіны Ганна Малар.
«Нашы вайскоўцы трапілі ў важную расійскую цэль», – дадала намесніца міністра, якую цытуе агенцтва УНІАН.
Як абвясціў у Facebook Цэнтр стратэгічнай камунікацыі і інфармацыйнай бяспекі Украіны, «Орск» мог удзельнічаць у расійскай акупацыі Крыму. «У студзені 2020 года капітан карабля Сяргей Скварцоў быў узнагароджаны медалём «За аднаўленне Крыма», – паведаміла ўкраінскае ўрадавае агенцтва.
Знішчэнне расійскага падраздзялення Чарнаморскага флоту ў чацвер раніцай пацвердзілі ВМС Украіны.
Бярдзянск – гэта партовы горад з больш чым 100 тысячу жыхароў, размешчаны на Азоўскім моры на поўдні Украіны. Яго жыхары, як перадае агенцтва Укрінфарм, паведамілі раніцай пра два моцныя выбухі, чутныя па ўсім горадзе.
ав