Эстонія рэкамендавала Украіне выбіраць альтэрнатыўныя маршруты для палёту беспілотнікаў

Пры нагодзе ўзмацнення ўдараў па расійскіх партах на Балтыйскім моры некаторыя ўкраінскія БПЛА ўпалі на тэрыторыі краін Балтыі.

Здымак мае ілюстрацыйны характар.

Foto: Фота: Павел Матусевіч, «Ваяр» / t.me/modmilby

Эстонія рэкамендавала Украіне выбіраць альтэрнатыўныя маршруты для палёту беспілотнікаў, каб знізіць рызыку іх пападання ў паветраную прастору Эстоніі. Гэта тычыцца ўкраінскіх беспілотнікаў, якія ў апошнія тыдні атакавалі расійскія парты на Балтыйскім моры. Некаторыя з іх упалі на тэрыторыі краін Балтыі і Фінляндыі.

Палкоўнік Антс Ківіселг з Цэнтра разведкі Узброеных сіл Эстоніі падкрэсліў, што ўкраінскаму боку было рэкамендавана выбіраць паветраныя калідоры, якія не праходзяць побач з межамі Эстоніі. Ён дадаў, што цалкам ліквідаваць рызыку немагчыма з-за аперацый расійскай СПА, а самы надзейны спосаб прадухіліць інцыдэнты з дронамі на тэрыторыі Эстоніі — спыненне расійскай агрэсіі супраць Украіны.

Тым часам Масква абвінавачвае краіны Балтыі ў прадастаўленні сваёй паветранай прасторы для нападаў на расійскія парты. Эстонія адмаўляе гэтыя абвінавачванні, а Латвія ўспрыняла іх як частку дэзінфармацыйнай кампаніі.

Інфармацыйнае агенцтва BNS цытуе прэс-сакратарку МЗС Расіі Марыю Захараву, якая заявіла, што Расія выступіла з папярэджаннем аб магчымых наступствах такой дапамогі.

IAR/аз