У суботу 27 жніўня ўвечары ў Беларускім Доме ў Варшаве адбыўся фэст «Беларускі спас 2022». Удзельнікі свята паглыбіліся ў беларускія традыцыі і ў кульутру. Гэтаму спрыяла адпаведныя праграма: заняткі традыцыйнымі рамёствамі, нацыянальныя спевы і танцы, агулам непаўторная атмасфера беларускай імпрэзы кажа завадатар Аляксей Бурнасенка:
-На нашым свяце мы слухаем цудоўную музыку, вывучаем і спяваем сапраўдныя традыцыйныя беларускія песні і патанчым традыцыйныя танцы пад жывую музыку рытуальнай дуды. Я граю на ёй ужо 20 гадоў. Потым паслухаем таленавіты рок-гурт «Рэлікт», вучымся традыцыйным рамёствам і нават палепшаем нашыя веды беларускай мовы! Для нашых малых гасцей таксама прадугледжаныя забавы, працуе аніматар. Пасля летняга перапынку, актыўна вяртаемся да беларускага жыцця ў Варшаве. (...)
Увянчаў беларускі фэст канцэрт гурта Relikt. Музыка Аляксандр Дземідзенка лічыць, што знаходзячыся за мяжой важна захаваць сваю ідэнтычнасць:
-Круты фэст і ўдзел у ім выдатна адпавядае асноўнай мэце нашага гурта. Relikt за мяжой хоча ствараць нагоды беларусам сустракацца, знаёміцца, слухаць музыку. Мы хочам, каб вялікая хваля беларускай эміграцыі, у тым ліку, дзякуючы нашай творчасці, гуртавалася і акумулявала свае сілы.
На беларускі спас у Варшаве, сярод іншых, завітала псіхолаг Наталля Скібская, яна падкрэсліла, што такія сустрэчы важныя для замежнікаў у новай краіне, асабліва на пачатковым этапе эміграцыі:
-Такія сустрэчы дапамагаюць нам нават, знаходзячыся па-за межамі Бацькаўшчыны, не губляць сувязі з ёй. Чалавек – сацыяльная жывёла і ўсведамленне прыналежнасці да групы, вельмі дапамагае прасцей перанесці цяжкасці ўладкавання жыцця наноў.(...)
Адным са спонсараў беларускага свята стала Амбасада Каралеўства Нідэрландаў у Варшаве.
Слухайце аўдыё!
эж