Беларуская Служба

Напісана першая опера, прысвечаная Пізанскай вежы

27.11.2025 07:12
Больш за восем стагоддзяў званіца сабора, пабудаваная ў асноўным з белага мармуру, захапляла і натхняла мастакоў, пісьменнікаў, навукоўцаў і інжынераў. 
Пізанская вежаHans Hansen/Pixabay/CC0

​​У Італіі напісана першая опера, прысвечаная Пізанскай вежы. Яе прэм'ера адбудзецца ў пятніцу ў тэатры Вердзі. Музычная гісторыя будынка была завершана праз два гады пасля урачыстасцей, прысвечаных 850-годдзю закладкі першага каменя.

Опера пад назвай «Вежа» была створана дзякуючы ўдзелу шматлікіх устаноў Пізы, у тым ліку гарадскіх уладаў і фондаў садзейнічання культуры.

Твор быў напісаны пісьменнікам Марка Мальвальдзі, а кампазітар - Марка Барганья. Лібрэта напісаў Вінчэнца Дэ Віва, вядомы оперны кампазітар з міжнародным імем, які гадамі займаў кіруючыя пасады ў найважнейшых музычных установах Еўропы. Ён таксама з'яўляецца кансультантам аркестра RAI Італьянскага радыё і тэлебачання.

Рэжысёр оперы - Стэфанія Панігіні.

Як падкрэсліў кіраўнік Пізанскага тэатральнага фонду Дыега Фіёрыні, было прынята рашэнне расказаць гісторыю гэтага сусветна вядомага помніка і яго гісторыю праз універсальную мову музыкі.

Віцэ-мэр Пізы Філіпа Бедзіні адзначыў, што Пізанская вежа была намалявана ў шматлікіх творах розных мастакоў, і пра яе напісана мноства кніг. Больш за восем стагоддзяў званіца сабора, пабудаваная ў асноўным з белага мармуру, захапляла і натхняла мастакоў, пісьменнікаў, навукоўцаў і інжынераў. «Не хапала оперы», — дадаў Бедзіні.

У оперы спалучы розныя віды мастацтва: архітэктуру, музыку, танец, тэатр і разам з імі гісторыю.

Сярод галоўных постацяў оперы — скульптар і архітэктар Бананна Пізана, якому прыпісваюць праектаванне вежы, якая будавалі з 1173 года. Маштаб яго рэальнага ўкладу незразумелы.

Аднак вядома, хто зрабіў вырашальны ўнёсак у выратаванне Пізанскай вежы ад абвальвання, калі яна пачала ўсё больш нахіляцца ў канцы мінулага стагоддзя. Гэта быў Мікель Ямялкоўскі, прафесар грамадзянскага будаўніцтва і геатэхнікі, які памёр у 2023 годзе.

Ён нарадзіўся ў Другой Рэчы Паспалітай у 1932 годзе ў Львоўскай вобласці. У 1959 годзе пераехаў у Італію. Скончыў Турынскі політэхнічны ўніверсітэт і працаваў там. Ён працаваў кансультантам і дарадцам па некаторых з найбуйнейшых і найбольш складаных інжынерных праектаў у свеце.

З 1990 па 2001 год ён узначальваў міжнародны камітэт экспертаў, які меў задачу забяспечыць бяспеку званіцы сабора і прадухіліць яе абвальванне.

У двары музея сабора была адкрыта мемарыяльная дошка, прысвечаная Ямялкоўскаму.

«Нахіленая вежа выратавана», — абвясціў Мікель Ямялкоўскі ў 2001 годзе, калі раманская канструкцыя зноў адкрылася для публікі пасля гадоў складанай працы. Тады вучоны польскага паходжання даў помніку гарантыю на 300 гадоў.

ав

Больш на гэтую тэму: Агляд падзей культуры