Польскія ўлады плануюць увесці новы падатак – нагадвае Rzeczpospolita. Ім будуць абкладзеныя прадукты, якія ўтрымліваюць высокі адсотак цукру. Эксперты аховы здароўя перакананыя, што цукровы падатак палепшыць стан здароўя палякаў.
У сваю чаргу палова жыхароў краіны мяркуе, што падатак негатыўна паўплывае на сітуацыю фермераў і садоўнікаў, а прыкладна 40% апытаных адзначыла, што ўвядзенне такога падатку нясе пагрозу эканамічнай свабодзе. Большасць апытаных сказала таксама, што ўвядзенне падатку стане прычынай павышэння цэн.
Паводле дадзеных Нацыянальнага фонду здароўя, спажыванне цукру ў Польшчы з кожным годам расце. Цяпер яно складае ўжо каля 50 кілаграмаў у год на душу насельніцтва, адпаведна, рэзка расце колькасць хворых на дыябет.
Караліна Кавальска/нг