Пенсіі ў Польшчы вырастуць на 4,89%

Такім чынам мінімальная пенсія, якая зараз складае 1025 злотых вырасце да 1072 злотых, што ў пераліку варта 230 еўра. 

zdjęcie ilustracyjne

pixabay

У Польшчы быў вызначаны памер павышэння пенсіяў у 2022 годзе. Паводле праекту бюджэту, прынятым урадам, у сярэднім польскія пенсіі павялічацца на 4,89%, пішуць у папулярным штодзённым выданні Super Expres.

Такім чынам мінімальная пенсія, якая зараз складае 1025 злотых вырасце да 1072 злотых, што ў пераліку варта 230 еўра. Адметна, што чым больш высокая пенсія, тым большая будзе надбаўка.

Аднак эканамісты чакалі большага павелічэння пенсіяў, бо прапанаваныя надбаўкі фактычна «з'есць» інфляцыя.  Каб польскія пенсіянеры не адчулі росту цэн, пенсіі ў сярэднім павінны павялічыцца на 5,5-6%, але бюджэт прадугледжвае іх павелічэнне толькі на 4,89%.

Тым часам у Польшчы назіраюцца самая вялікая інфляцыя за апошнія дваццаць гадоў. Цэны ў жніўні былі ў сярэднім на 5,4% вышэй, чым годам раней.

эж