Прабелы ў ведах, выкліканыя дыстанцыйным навучаннем, з'яўляюцца праблемай не толькі для вучняў. У будучыні яны могуць моцна паўплываць на рынак працы і ВУП, папярэджваюць эксперты з Варшаўскага ўніверсітэта і Сусветнага банка ў справаздачы аб эканамічных наступствах закрыцця школаў падчас пандэміі, паведамляе «Dziennik Gazeta Prawna».
Паводле вынікаў даследаванняў, праведзеных ў рамках Міжнароднай праграмы па ацэнцы адукацыйных дасягненняў навучэнцаў (PISA) у такіх галінах, як: матэматыка, разуменне прачытанага, натуральныя навукі, вынікі варшаўскіх вучняў – да пандэміі адных з лепшых у свеце, у 2021 годзе былі прыкладна на 20-40 балаў горшыя па шкале PISA, чым у дапандэмічны перыяд.
Гэта страта, якая эквівалентная прыкладна двум змарнаваным гадам навучання і гэта значна ніжэй, чым вынікі, атрыманыя вучнямі ў 2018 годзе.
Суаўтар даследавання з Варшаўскага ўніверсітэта Тамаш Гайдэровіч адзначае, што вельмі верагодна, у меншых гарадах і вёсках разрыў у адукацыі яшчэ большы. Механізм уздзеяння адукацыйнага разрыву на эканоміку і заробкі непасрэдна вынікае з падзення прадукцыйнасці працы.
Аўтары дакладу адзначаюць, што негатыўныя наступствы будзе мець і адукацыйная рэформа 2016 года, у выніку якой час агульнай для ўсіх адукацыі быў скарочаны на адзін год.
Мінадукацыі не пагаджаецца з такім радыкальным дыягназам, пастаўленым аўтарамі даследавання. «Міністэрства адукацыі і навукі прыняло шмат мер для змяншэння негатыўнага ўздзеяння пандэміі на навучэнцаў, напрыклад, праз дадатковыя гадзіны заняткаў, якія маглі праводзіць школы (у тым ліку адукацыйныя і спартыўныя мерапрыемствы), а таксама ў галіне пашырэння псіхалагічна-педагагічнай дапамогі», – чытаем у заяве прэс-сакратара Міністэрства адукацыі і навукі, якую цытуе «Dziennik Gazeta Prawna».
аз