Напярэдадні падпісання пагаднення аб „глыбокай інтэграцыі” Беларусі з Расіяй Аляксандр Лукашэнка абяцае, што не аддасць Беларусь нікому. „Я не хачу перакрэсліваць тое, што я рабіў з вамі, з народам - я стварыў суверэнную, незалежную дзяржаву”, - запэўніваў кіраўнік Беларусі.
Аднак, як будзе праходзіць працэс інтэграцыі не вядома. Праекты гэтак званых дарожных мапаў, над якімі працавалі прадстаўнікі Масквы і Мінска, прыхоўваюцца ў таямніцы. Сакрэтныя планы абодвух лідараў выклікаюць сумневы, як у Беларусі, так і ў свеце, паведамляе Вацлаў Радзівіновіч у выданні Gazeta Wyborcza.
У апошні аўторак беларускія апазіцыянеры заклікалі міжнародную супольнасць абараняць суверэнітэт Беларусі, які, паводле іх, апынуўся пад пагрозай.
Масква ужо больш за год настойвае на паглыбленне інтэграцыі і шантажуе Мінск павышэннем цаны на нафту і газ, што можа прывесці да банкруцтва Беларусі.
На якія саступкі будзе вымушаны пайсці Лукашэнка стане вядома ў суботу пасля кансультацыяў з Уладзімірам Пуціным у Сочы. Пасля гэтых размоваў стане ясна, ці ў нядзелю адбудзецца падпісанне дамовы з Расіяй, паведамляе Gazeta Wyborcza.
аз