X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Расія хоча рэформы беларускай Канстытуцыі ў сваіх інтарэсах

15.09.2020 13:03
Крэмль патрабуе ў Беларусі партнёра ў выглядзе ўрада, парламента і… магутнай прарасійскай партыі.
Уладзімір ПуцінPAP/EPA/KREMLIN HANDOUT

Усё, што было самым важным падчас сустрэчы Аляксандра Лукашэнкі і Уладзіміра Пуціна ў Сочы, засталося за зачыненымі дзвярыма. Гульня працягваецца. Крэмль змагаецца за Беларусь, а Лукашэнка – за сваю пазіцыю ў ёй, канстатуе Анджэй Пачобут на старонках выдання Gazeta Wyborcza.

Крэмль гуляе ў Беларусі ўласную шахматную партыю. Пасля прайграных прэзідэнцкіх выбарах Аляксандр Лукашэнка, які быў „каралём” раптам стаў „ферзём”. У шахматах, гэта моцная фігура, але часта трэба ёю ахвяраваць, каб выйграць партыю.

На працягу дзесяцігоддзяў Аляксандр Лукашэнка быў адзіным партнёрам Масквы ў адносінах з Беларуссю. Для Крамля такая сітуацыя была камфортнай. Па-першае, на постсавецкай прасторы, і асабліва, калі гаворка ідзе пра аўтарытарныя рэжымы, Крэмль пазбягае кантактаў з апазіцыяй і традыцыйна робіць акцэнт на супрацоўніцтва з урадавай элітай, якая ў Беларусі надзвычай кансалідаваная і арыентавана на Лукашэнку.

Па-другое, Уладзімір Пуці, якога фарміравала праца ў КДБ, аддае перавагу закулісным перамовам з апаратчыкамі. Тут справа простая. Не дэмакратыя, не выбары, не грамадскія рухі, а закуліснае пагадненне з наймацнейшымі прадстаўнікамі наменклатуры можа пакласці канец беларускаму крызісу.

Беларускі народ у гэтым сцэнары можа атрымаць маленькі падарункаў у выглядзе часовага прагрэсу ў галіне правоў чалавека і гэта ўсё.

На працягу многіх гадоў Крэмль уважліва сачыў за тым, што адбываецца ў Беларусі і першы зразумеў, што папулярнасць беларускага кіраўніка падае. Захад змагаўся за палітычны дыялог з Лукашэнкам, адмовіўшыся ад падтрымкі апазіцыі, а Крэмль распачаў крокі, накіраваныя на фарміраванне арганізаванай прарасійскай базы ў беларускім грамадстве.

У Беларусі з'явіліся незалежныя ад Лукашэнкі грамадскія арганізацыі, якія арганізавалі прарасійскае святкаванне Дня Перамогі ў Вялікай Айчыннай вайне, а іх члены насілі стужкі Св. Георгія. У 2019 годзе яны сабралі тысячы ўдзельнікаў на несанкцыянаваным шэсці „Бессмяротны полк”. Гэта быў доказ таго, што Лукашэнка ўжо не з'яўляецца адзіным партнёрам для Крамля, і што Расія шукае дадатковую падтрымку ў грамадстве.

Спробы Крамля падтрымаць прарасейскія арганізацыі на самой справе не былі накіраваны супраць  Лукашэнкі, а проста дапаўнялі традыцыйныя кантакты. Пра гэта сведчыць факт, што пасля прэзідэнцкіх выбараў, калі ў краіне пачаліся хвалі забастовак і пратэстаў, члены прарасійскіх арганізацыі знялі георгіеўскія стужкі, узялі ў рукі афіцыйныя сцягі Беларусі і пайшлі на акцыі падтрымкі Лукашэнкі.

Уладзімір Пуцін, Сяргей Лаўроў і Дзмітрый Пяскоў дружна выказваюцца пра тое, што ў Беларусі трэба рэфармаваць Канстытуцыю, а Лукашэнка павінен пачаць дыялог з народам і арганізаваць прэзідэнцкія, парламенцкія і мясцовыя выбары.

Аднак праблема ў тым, што гаворка не ідзе пра дэмакратыю, правы чалавека і сумленныя выбары. Патрабуючы ад Лукашэнкі зменаў у Канстытуцыі, Расія хоча рэформы палітычнай сістэмы ў Беларусі. Крэмль хоча росту ролі ўрада, парламента і магутнай прарасійскай партыі з прадстаўнікамі на ўсіх узроўнях улады і з вядучымі чыноўнікамі ў сваіх шэрагах. Гэта, у сваю чаргу, азначае аслабленне Лукашэнкі і фактычнае ўмацаванне пазіцыі наменклатуры, якая замест Лукашэнкі стане партнёрам Крамля, канстатуе Анджэй Пачобут на старонках выдання Gazeta Wyborcza.

аз