У апошнія дні 2022 года Хрысціна Рыхтэр была прызначана дарадцам Святланы Ціханоўскай па прававых пытаннях. Беларусам у Польшчы дзейнасць Хрысціны Рыхтэр вядомая перш за ўсё па адвакацыі іх правоў перад абліччам легалізацыйных працэдураў у Польшчы. Выдача гуманітарных візаў у Польшчы, польскія праязныя дакументы для ўцекачоў з Беларусі, гуманітарныя віды на жыхарства ды іх атрыманне ў Польшчы, а таксама многае іншае шмат у чым заслуга працы менавіта Хрысціны Рыхтэр.
Аднак цяпер, паводле паведамленню Офісу Ціханоўскай, на пасадзе дарадцы па прававых пытання Хрысціна Рыхтэр будзе займацца ў тым ліку нарміраваннем стратэгіі работы па прававых пытаннях Офіса Ціханоўскай; падрыхтоўкай нарматыўных прававых дакументаў для транзітнага перыяду ў сферах пераходнай справядлівасці, рэабілітацыі асоб, якія спазналі пераслед па палітычных матывах; удзельнічаць у падрыхтоўцы спецыяльнага даклада па праблемах беларусаў у эміграцыі ў Парламенцкую асамблею Рады Еўропы; працаваць разам з беларускай праваабарончай супольнасцю для дасягнення мэт па прасоўванні і абароне правоў чалавека.
Нягледзячы на тое, што Хрысціна Рыхтэр супрацоўнічае з Офісам з 2021 года, публічную пасаду дарадцы Ціханоўскай яна атрымала напрыканцы мінулага года – у час крызісу даверу да гэтай структуры. Пра крызіс, а таксама пра адсутнасць ілюзій у гэтай працы слухайце ў далучаным гукавым файле.
эж