Еўрапейская камісія заяўляе, што ўжо арганізавала альтэрнатыўныя крыніцы паставак газу для краін, якія купляюць гэтую сыравіну ў Расіі.
Міністр энергетыкі Венгрыі Чаба Ланташ сцвярджае, што яго краіна не можа хутка адмовіцца ад газу з Расіі з-за абмежаванняў інфраструктуры і з-за коштаў. З-за энергетычнага крызісу і ўварвання ва Украіну Еўрасаюз мае намер цалкам адмовіцца ад вуглевадародаў з Расіі да 2027 года. Рэалізуецца ідэя сумесных закупак газу, якую распрацавала Польшча, раведамляе Biznes Alert.
Еўрапейская камісія, нягледзячы на энергетычны крызіс, які распальваецца «Газпромам», заяўляе, што ўжо арганізавала альтэрнатыўныя крыніцы паставак газу для краін, якія купляюць гэтую сыравіну ў Расіі. Дасягнуць гэтага плануецца праз механізм сумесных закупак газу, які, на думку Бруселя, дазволіць краінам адмовіцца ад расійскага газу ўжо ў канцы гэтага года. Гэтае рашэнне прапагандуецца Польшчай з 2014 года. ЕС стаў яго рэалізоўваць у разгар энергетычнага крызісу ў 2022 годзе.
Аднак Венгрыя сцвярджае, што газ з Расіі больш танны чым альтэрнатыўная прапанова ЕС. Акрамя гэтага, існуюць інфраструктурныя абмежаванні, якія ўскладняюць прыняццё рашэння адмовіцца ад расійскага напрамку ў кароткатэрміновай перспектыве, заяўляе кіраўніцтва Венгрыі.
Урад Віктара Орбана ў Венгрыі праводзіць прарасійскую знешнюю палітыку. Ён блакуе пакеты дапамогі Украіне і настойвае на пастаўках сыравіны з Расіі. «Газпром» і венгерскі энергетычны канцэрн MVM у 2021 г. падпісалі пятнаццацігадовы кантракт на пастаўку 4,5 млрд кубаметраў газу ў год. У дадатку да кантракта ад жніўня 2022 года дадаткова прадугледжана пастаўкі 5,8 млн кубаметраў газу ў дзень. Газ пастаўляецца ў абыход Украіны - у асноўным праз Турэцкі паток і Сербію.
яс