У бліжэйшы час я не магу ўявіць сабе вяртанне да ранейшых адносін з Пуціным, які з'яўляецца ваенным злачынцам і мае генацыд на сумленні, заявіў амбасадар ЗША ў Польшчы Марк Бжэзінскі ў інтэрвʼю, апублікаваным у панядзелак у Super Express.
«Мэта Амерыкі ва Украіне – каб украінцы перамаглі і выгналі расійскіх агрэсараў са сваёй краіны. Гэта мэта сумесных намаганняў нас і нашых сяброў – палякаў і іншых нашых саюзнікаў – калі гаворка ідзе пра санкцыі і прадастаўленне розных відаў дапамогі ўкраінскім воінам-героям, якія абараняюць сваю радзіму», – сказаў Бжэзінскі ў «SE».
Адказваючы на пытанне, ці можа ён уявіць сабе адносіны з Расіяй пасля варварстваў, якія яна ўчыніла ва Украіне, амбасадар ЗША адказаў, што «Пуцін страціў усялякую легітымнасць як лідэр з-за злачынстваў і генацыду, як іх назваў Джо Байдэн, учыненых ва Украіне».
«Я не магу сабе ўявіць, што магчыма вяртанне да нармальных адносін. Але я хацеў бы аддзяліць Пуціна ад простых расіян. Маладыя расіяне таленавітыя, яны хочуць мець кантакты з светам. Яны хочуць вучыцца і займацца бізнесам за мяжой», – дадаў ён.
ав