З крымінальнай хронікі сталіцы. У Мінску хлопец зайшоў у бальніцу, на прапускным пункце назваўся сваяком аднаго з пацыентаў, назваў выдуманае прозвішча і аддзяленне, паведамляе Наша Ніва са спасылкай на сталічную міліцыю.
І пачаў заходзіць у пакоі медперсаналу бальніцы, забіраючы з сумак грошы. У выніку, абышоўшы з другога па дванаццаты паверхі, набраў 490 рублёў.
Заўважыўшы прапажу грошай, работнікі бальніцы звярнуліся ў міліцыю. Хлопца затрымалі на выхадзе з бальніцы. Прычым знаходзіўся ён пад уздзеяннем наркатычных сродкаў і быў шпіталізаваны ў таксікалагічнае аддзяленне гэтай жа бальніцы ў стане наркатычнага ап'янення.
Раней хлопец прыцягваўся да крымінальнай адказнасці за крадзяжы і незаконны абарот наркотыкаў.
нг