Аляксандр Забела пакінуў пасаду старшыні дзяржканцэрна «Белдзяржхарчпрам». Інфармацыю аб сыходзе Забелы апублікаваў партал tut.by.
Звальненне звязана з інтарэсам праваахоўных органаў да топ-менеджараў алкагольных заводаў: «Мінск Крышталь Груп», «Віцебскі лікёра-гарэлачны завод «Прыдзвінне», і Чашніцкі спіртзавод «Чысты выток 1872». Паводле неафіцыйнай інфармацыі, некаторыя з дырэктараў згаданых прадпрыемстваў затрыманыя. Прадстаўнікі праваахоўных органаў пакуль дадзеную інфармацыю не каментуюць.
Атрымаць каментар у «Белдзяржхарчпраме» журналістам не ўдалося. Паводле неафіцыйнай інфармацыі, кампанію Забелу склаў і гендырэктар «Мінск Крышталь Груп» Станіслаў Іодзіс. У дзяржхолдынгу не пацвердзілі кадравыя перастаноўкі.
Летам паведамлялася аб сыходзе Забелы на дыпламатычную службу. Яму прадказвалі пасаду амбасадара Беларусі ў Казахстане. Аднак цяпер сітуацыя змянілася, кажуць крыніцы.
Аляксандр Забела ўзначальваў «Белдзяржхарчпрам» з 2012 года. Канцэрн абʼядноўвае прадпрыемствы ключавых галін харчовай і перапрацоўчай прамысловасці.
юл