Пагадненне аб партнёрстве ЕС-Беларусь падпішуць толькі тады, калі будзе дасягнутая дамоўленасць па Беларускай АЭС. Пра гэта заявіў еўракамісар па палітыцы суседства і пытаннях пашырэння Ёханэс Хан, перадае «Еўрарадыё» са спасылкай на «Нямецкую хвалю».
Заява прагучала на пасяджэнні камітэта Еўрапарламента па замежных справах у Бруселі 7 лістапада.
На пасяджэнні абмяркоўвалася будучае пашырэнне Еўрасаюза. Еўрадэпутаты аднак спыталі ў Хана і пра адносіны з Беларуссю. «Наша мэта – завяршыць, нарэшце, працу над »Прыярытэтамі партнёрства«. У гэтым выпадку вынік залежыць ад таго, ці знойдзем мы рашэнне па АЭС у Астраўцы», – адказаў еўракамісар.
Асноўным праціўнікам Беларускай АЭС выступае Літва. Яна незадаволеная блізкім размяшчэннем АЭС ад Вільні – 50 кіламетраў. Першы энергаблок БелАЭС плануюць запусціць у 2020 годзе.
вс
здымак мае ілюстрацыйны характар