Жонка палітычнага аналітыка Аляксандра Фядуты паведаміла belsat.eu, што другі дзень не мае з ім сувязі. Марына Шыбко мае намер сёння паляцець у Маскву дзе апошнім часам знаходзіўся яе муж.
Марына Шыбко, жонка палітычнага аналітыка Аляксандра Фядуты распавяла, што з мужам не мае сувязі ад нядзелі. Жанчына сёння збіраецца вылятаць у Маскву на ягоныя пошукі.
«Паўтары дні ён не выходзіць на сувязь. Я тэрмінова зараз збіраюся і еду ў Маскву», – распавяла «Белсату» Марына Шыбко.
Што Фядута рабіў у Маскве і з кім сустракаўся, невядома.
Аляксандр Фядута – вядомы беларускі палітолаг, аўтар на «Белсаце».
нг