Алена – маці Дзмітрыя Лаеўскага, адваката экс-прэтэндэнта ў прэзідэнта Віктара Бабарыка, паведаміла Еўрарадыё.
– Мой 5-гадовы кантракт з БДУ сканчваецца 17 красавіка. 16 сакавіка за месяц да яго заканчэння, як таго патрабуе ПК, я апавясціла БДУ пра сваё жаданне працягнуць працоўныя зносіны. У адказ атрымала апавяшчэнне, што новы кантракт заключацца не будзе. З 16 сакавіка я вяла перапіску з БДУ і прафсаюзам аб недапушчальнасці незаконнага звальнення.
Згодна з артыкулам 261-5ПК, наймальнік абавязаны заключыць са мной кантракт як з асобай перадпенсійнага ўзросту. Калектыўны дагавор БДУ таксама на гэты конт змяшчае дадатковыя гарантыі, – піша выкладчык з 22-гадовым стажам.
У адказ БДУ кажа Алене, што гэтыя нормы не прымяняюцца, бо скончыўся тэрмін абрання яе па конкурсе. Праблема толькі ў тым, што БДУ не абвясціў гэты конкурс.
– Хоць у дачыненні да іншых пазіцый на маім факультэце і на іншых конкурс у гэты перыяд аб'яўляўся. Я расцэньваю гэта як дыскрымінацыю, што забаронена ПК. Чакаю загад. А потым у суд. І раблю гэта не для сябе. Я не прападу. Я не хачу каб такая мадэль схаванага скарачэння ўжывалася ў дачыненні да іншых маіх калегаў – дадае Алена.
ав