Федэрацыя прафсаюзаў пратэстуе супраць аднаўлення санкцыяў ЗША

Удзельнікі мерапрыемства, звязанага з Федэрацыяй прафсаюзаў, сабраліся каля пасольства ЗША ў Менску і скандавалі «Санкцыям – не!».

Zdjęcie ilustracyjne

Shutterstock.com

У Федэрацыі прафсаюзаў 1 мая заявілі, што выказваюць салідарную пазіцыю супраць аднаўлення санкцый ЗША ў дачыненні да беларускіх прадпрыемстваў. «Прафсаюзы заяўляюць аб недапушчальнасці такіх неправамерных рашэнняў, якія парушаюць працоўныя правы беларусаў і могуць пазбавіць людзей працоўных месцаў і заработнай платы».

Прафсаюзы заклікаюць кіраўніцтва ЗША «адмовіцца ад дэструктыўнай палітыкі, якая за многія гады даказала сваю безгрунтоўнасць, а таксама паважаць жыццёвыя інтарэсы і асноўныя правы беларусаў».

Удзельнікі мерапрыемства, звязанага з Федэрацыяй прафсаюзаў, сабраліся каля пасольства ЗША ў Менску і скандавалі «Санкцыям – не!».

Мітынг вельмі хутка скончыўся. Нікога з удзельнікаў масавага мерапрыемства не затрымалі. Надоечы дыпламатычнае прадстаўніцтва ЗША звяртала ўвагу на двайныя стандарты беларускіх уладаў, якія дазваляюць праўладныя акцыі, але пры гэтым перасякаецца найменшая актыўнасць людзей, незадаволеных дзеяннямі рэжыму.

Тэлеграм/нг