У Бярозаўцы Гродзенскай вобласці прайшла цырымонія пахавання 50-гадовага палітвязня Вітольда Ашуркі, які памёр у шклоўскай калоніі. Правесці Вітольда ў апошную дарогу прыбылі сотні людзей.
Яго смерць выклікае шмат каментароў і сумневаў.
Афіцыйная версія прычыны смерці – спыненне сэрца. У Інтэрнэце з'явілася відэа МУС, на якім паказаныя нібыта апошнія хвіліны жыцця Вітольда ў шклоўскай калоніі. На ім мужчына стоячы спінай да камеры, раптам падае і бʼе галавой аб падлогу. Потым чалавек з забінтаванай галавой падае на падлогу, але выглядае гэта пастаноўкай, бо чалавек не падае інэртна, а спрабуе абмінуць лавачку і падае галавой пад лаўку.
Блізкім паведамілі, што памерлага выпадкова ўдарылі галавой у моргу. «Я думаю, гэта было, звычайнае забойства», – сказаў СМІ брат Вітольда Андрэй Ашурак.
Тым часам афіцыйна паведамляецца, што падчас агляду цела не было выяўлена слядоў крымінальнага характару смерці. У пасведчанні аб смерці паведамляецца, што смерць адбылася па невядомых прычынах.
У студзені Вітольд Ашурак быў асуджаны на пяць гадоў калоніі ўзмоцненага рэжыму за ўдзел у апазіцыйных акцыях пратэсту пасля прэзідэнцкіх выбараў.
яс