У ім называюцца прозвішчы супрацоўнікаў ДАІ, якія ў жніўні 2020 году разбівалі прыватныя аўтамабілі беларусаў, правакавалі аварыйныя сітуацыі, беспадстаўна затрымлівалі і білі кіроўцаў, на якіх потым заводзіліся адміністрацыйныя справы.
Былы старшы пракурор Генеральнай пракуратуры Алег Талерчык і прадстаўнік ініцыятывы ByPol на відэа расказаў пра некалькі сітуацый.
- 12 жніўня 2020 года ў інтэрнэт папала відэа, на якім зафіксавана на праспекце Дзяржынскага ў Мінску як супрацоўнікамі ГАІ быў затрыманы аўтамабіль Nissan з рэгістрацыйным знакам 9574 ТА7. І як вы думаеце, колькі спатрэбілася супрацоўнікаў для затрымання дадзенага транспартнага сродка? Вы не паверыце – больш за дзесяць. А што паслужыла асновай для яго затрымання? Выкананне злачыннага прыказу кіраўніцтва: выбарачна разбіваць аўтамабілі грамадзян.
Алег Талерчык заклікае далучыцца да распаўсюду вынікаў расследавання ініцыятывы ByPol.
яс