У Гродне за ўдзел у «Маршы адзінства» на 2,5 гады «хатняй хіміі» асудзілі 62-гадовую прыбіральшчыцу.
Жыхарку Гродна Яніну Глазкову абвінавацілі ва ўдзеле ў «Маршы адзінства» 6 верасня 2020 года – паводле абвінавачвання, жанчына «была актыўным удзельнікам групавых дзеянняў, якія груба парушаюць грамадскі парадак, не падпарадкоўвалася загадам міліцыянтаў».
Яніна распавяла, што на месца падзей трапіла выпадкова: у той дзень яна ішла ў касцёл, каб замовіць імшу – жанчына даглядала хворага бацьку.
Сведкі-міліцыянты – Ангеліна Нагорная, Мікалай Задоеў і Сяргей Цімафееў – прасілі дапытваць іх за шырмай, бо «у выпадку распазнання яны баяцца за сваё жыццё і здароўе».
Вясна/нг