Палітвязня Дзяніса Сальмановіча Брэсцкі абласны суд пакараў 10 гадамі калоніі ўзмоцненага рэжыму і штрафам у 6 тыс. 400 рублёў.
Акрамя таго, наперадзе разгляд грамадзянскага пазову на суму ў 33 тыс. рублёў за нібыта перакрыццё дарог.
Дзянісу Сальмановічу 31 год, яго затрымалі летась 4 кастрычніка. Сілавікі называлі Дзяніса «галоўным візуальным рэдактарам» ролікаў «Кіберпартызанаў» і руху «Супраціў». 26 чэрвеня 2022 года КДБ унёс мужчыну ў спіс «асобаў, датычных тэрарыстычнай дзейнасці». Палітвязню было выстаўленае абвінавачванне паводле пяці артыкулаў Крымінальнага кодэксу.
Разгляд справы Сальмановіча пачаўся 20 верасня ў Брэсцкім абласным судзе, паведамляе «Белсат».
вс