Украінскае Міністэрства замежных спраў запатрабавала ад рэжыму перастаць аказваць падтрымку Расіі ў агрэсіі супраць Украіны.
Увечары 8 кастрычніка амбасадара Украіны ў Мінску Ігара Кізіма запрасілі ў МЗС Беларусі, дзе яму ўручылі дыпламатычную ноту. У ноце беларускі бок сцвярджае, што Украіна нібыта плануе напад на тэрыторыю Беларусі.
МЗС Украіны абвергла гэтае сцвярджэнне, назваўшы яго правакацыяй, і заклікала Беларусь перастаць выконваць прыхамаць Крамля ды неадкладна спыніць падтрымку Расіі ў яе агрэсіі супраць Украіны.
Украіна катэгарычна адхіляе чарговыя інсінуацыі беларускага рэжыму. У Кіеве не выключаюць, што ўручэнне дыпламатычнай ноты можа быць часткай плана РФ па правакацыі і далейшаму абвінавачванню Украіны.
Украінскі бок заклікаў беларускі народ не паддавацца на правакацыі, нагадаўшы, што Украіна ніколі не замахвалася на чужыя тэрыторыі. Кіеў строга прытрымліваецца фундаментальных нормаў і прынцыпаў міжнароднага права і Статута ААН, гаворыцца ў заяве МЗС Украіны.
юл