Старшыню партыі БНФ Рыгора Кастусёва вярнулі ў папраўчую калонію № 22 «Ваўчыныя норы» каля вёскі Даманава Івацэвіцкага раёна. Пра гэта паведаміў яго зяць Зміцер Антончык. Паводле яго, палітвязень тэлефанаваў жонцы.
16 траўня стала вядома, што Рыгор Кастусёў з 27 красавіка знаходзіцца ў шпіталі на абследаванні. Пра гэта таксама ў Facebook паведамляў тады зяць старшыні Партыі БНФ.
У зняволенні ў Рыгора Кастусёва абвастрыліся праблемы са здароўем, у яго выявілі анкалагічнае захворванне.
У верасні летась Кастусёў быў асуджаны на 10 гадоў пазбаўлення волі ў «справе аб дзяржаўным перавароце», паведамляе «Свабода».
аз