28 чэрвеня Савет міністраў РБ абнавіў забарону на ўвоз некаторых відаў сельгаспрадукцыі і ўвёў забарону на ўвоз з Польшчы і Літвы піва і слаба алкагольных напояў. Адпаведную пастанову падпісаў прэмʼер-міністр Раман Галоўчанка.
Урадавая прэс-служба паведамляе аб тым, што агульная прычына забароны на экспарт сельскагаспадарчай прадукцыі і харчавання – недружалюбнасць краінаў іх паходжання. Аднак для забароны экспарту яблыкаў уведзена выключэнне, іх можна будзе пастаўляць у перыяд з 1 па 31 ліпеня.
Што тычыцца забароны на ўвоз з Літвы і Польшчы піва і слаба алкагольных напояў, то ён уводзіцца «з улікам вытворчасці аналагічнай прадукцыі ў Рэспубліцы Беларусь у дастатковых абʼёмах».
Паведамляецца, што забарона па ўсіх згаданых відах прадукцыі ўведзена да 31 снежня 2023 года ўключна. Ці тычыцца забарона фізічных асобаў, не паведамляецца.
ав/Белсат