Міжнародная грамадскасць згадвае пра праблемы са свабодай слова ў Беларусі

Міжнародны інстытут прэсы (IPI) раз на тыдзень пачаў размяшчаць агляд парушэнняў правоў беларускіх журналістаў і медыя ў адной з самых папулярных сацсетак.

Ілюстрацыйны здымак

https://twitter.com/globalfreemedia

«Будзем працягваць да таго часу, пакуль не спыняцца рэпрэсіі». Міжнародны інстытут прэсы пачаў у Twitter праект па Беларусі

У адной з самых папулярных сацсетак Міжнародны інстытут прэсы (IPI) раз на тыдзень пачаў размяшчаць агляд парушэнняў правоў беларускіх журналістаў і медыя.

⚪️🔴⚪️#Belarus: this week, authorities continued their attacks on independent media👇

1/6 On June 16, authorities in the town of Smarhon detained Ramuald Ulan, the former editor of local newspaper "Novaya Gazeta Smarhon". Ulan spent 3 days under arrest on "extremism" charges. pic.twitter.com/YN70mXRBRK

— IPI - The Global Network for Independent Media (@globalfreemedia) June 23, 2023

Затрыманне былога выдаўца газеты ў Смаргоні, ануляванне рэгістрацыі газеты «Народная воля», блакаванне сайта «Прэсбола» — сціслыя паведамленні на ангельскай мове аб сітуацыі ў Беларусі цяпер з’яўляюцца ў Twitter-акаўнце IPI, на які падпісаны больш чым за 52 тысячы чалавек.

— Назіраем адпаведную рэакцыю аўдыторыі, — паведаміў БАЖ супрацоўнік Міжнароднага інстытута прэсы па маніторынгу і абароне правоў журналістаў Усходняй Еўропы Караль Лучка. — Нашы чытачы ўражаны рэпрэсіямі, што адбываюцца ў дачыненні да прадстаўнікоў прэсы. Многія пачалі забывацца пра сітуацыю ў Беларусі, якая толькі пагаршаецца.

Крыніца: БАЖ