Спадарожнікавыя здымкі паказваюць, што будаўніцтва новай базы для групы Вагнера можа пачацца паблізу ад Асіповічаў (Магілёўская вобласць), паведаміў у сваёй апошняй справаздачы амерыканскі Інстытут вывучэння вайны (ISW).
Здымкі, зробленыя з 15 па 27 чэрвеня, паказваюць нядаўнюю актыўнасць на закінутай ваеннай базе за 15 км на паўночны захад ад Асіповічаў у цэнтральнай частцы Беларусі. База размешчана за 15 км ад буйнога беларускага палігона, які, як мяркуюць беларускія ўлады, спатрэбіцца наймітам Прыгожына для кансультацый і навучання УС Беларусі. Незалежны расейскі партал «Вестка» паведаміў у панядзелак, што беларускія ўлады будуюць базу ў Асіповічах, разлічаную на 8 тысяч «вагнэраўцаў».
ISW падкрэслівае, што найміты гурта Вагнэра могуць быць дыслакаваныя і ў іншых месцах Беларусі. У краіне шмат палігонаў і палявых лагераў, якія на пачатак 2022 года ўмяшчалі 30 тысяч расійскіх салдат. Частка гэтых палігонаў знаходзяцца ў Гомельскай і Брэсцкай абласцях, якія мяжуюць з Украінай.
Нагадаем, віцэ-прэм'ер Польшчы, лідар правячай правакансерватыўнай партыі «Права і справядлівасць» Яраслаў Качыньскі заявіў у сераду, 28 чэрвеня, што ў сувязі з прысутнасцю групы Вагнэра ў Беларусі былі прыняты меры па абароне ўсходняй мяжы Польшчы. Гэта датычыцца як павелічэння колькасці дыслакаваных там сіл, так і ўзмацнення загарод на мяжы.
pap/эж