Сярод іншага абмяркоўвалася тэма санкцый супраць рэжыму Аляксандра Лукашэнкі.
Намеснік кіраўніцы АПК, прадстаўнік па замежных справах Валерый Кавалеўскі разам з экспертамі iSANS правёў шэраг сустрэч з чыноўнікамі Дзярждэпартамента, парламентарыямі абедзвюх палат Кангрэса, прадстаўніком Савета нацбяспекі пры Белым Доме, прдастаўнікамі Міністэрства абароны ЗША.
Былі ўзнятыя пытанні «пагрозы незалежнасці і нацыянальнай ідэнтычнасці» Беларусі, абмеркавана «далейшае ўзаемадзеянне ў галіне знешняй палітыкі, перадусім у ААН».
Абмеркавалі вызваленне палітычных зняволеных, дапамогу для грамадзянскай супольнасці, медыя і беларускіх добраахвотнікаў ва Украіне, падрыхтоўку спецыялістаў.
Адметна, што пытанне мігрантаў-беларусаў было пастаўленае ў Вашынгтоне ўжо праз некалькі дзён на сустрэчах у Кангрэсе і Дзярждэпартаменце, і было знойдзена паразуменне аб неабходнасці спрашчэння міграцыйных правіл для беларусаў.
У гэтым жа кантэксце абмяркоўваўся праект нацыянальнага пашпарта Беларусі, які быў пазітыўна ўспрыняты заходнімі партнёрамі – будзе вывучаная магчымасць дапамогі тэхнічнай экспертызай з боку адпаведных урадавых устаноў ЗША.
Амерыканскі бок «адзначыў актыўную і паспяховую працу Святланы Ціханоўскай на тыдні высокага ўзроўню на Генасамблеі ААН», паведамляе прэс-служба Аб'яднанага пераходнага кабінета.
Цяпер рыхтуецца першая сустрэча ў рамках Стратэгічнага дыялогу Беларусі і ЗША, яна запланаваная на снежань.
@CabinetBelarus