СК Беларусі распачаў «спецвядзенне» супраць 20 незалежных аналітыкаў, у тым ліку каментатара Беларускай службы Паўла Усава

Большасць з фігурантаў справы – незалежныя палітычныя аналітыкі, сацыёлагі і эканамісты, якія даюць каментары незалежным СМІ.

Следчы камітэт Рэспублікі Беларусь

svaboda.org

Следчы камітэт Беларусі распачаў «спецвядзенне» супраць шэрагу незалежных аналітыкаў, у тым ліку супраць каментатара Беларускай службы Польскага Радыё Паўла Усава.

Большасць з фігурантаў справы – незалежныя палітычныя аналітыкі, сацыёлагі і эканамісты, якія даюць каментары незалежным беларускім СМІ. У спісе аднак ёсць і некалькі супрацоўнікаў Офісу Святланы Ціханоўскай, паведамляе «Свабода».

Агулам гаворка ідзе пра 20 чалавек, якіх СК называе «аналітыкамі Ціханоўскай»: у спісе Павел Усаў, Юры Дракахруст, Рыгор Астапеня, Філіп Біканаў, Аляксандр Дабравольскі, Андрэй Казакевіч, Ганна Красуліна, Яўген Крыжаноўскі, Дзяніс Кучынскі, Вераніка Лапуцька, Аляксандр Лагвінец, Ганна Любакова, Васіль Навумаў, Марыя Рогава, Пётр Рудкоўскі, Алесь Руднік, Наталля Рабава, Тацяна Чуліцкая, Аляксандр Шлык, Кацярына Шмаціна.

Іх падазраюць у:

- «распальванні расавай, нацыянальнай, рэлігійнай або іншай сацыяльнай варожасці або звады, учыненыя групай асобаў» (ч. 3 арт. 130 Крымінальнага кодэксу Беларусі);
- «закліках да санкцый, іншых дзеянняў, накіраваных на прычыненне шкоды нацыянальнай бяспецы Рэспублікі Беларусь, учыненыя з выкарыстаннем СМІ і інтэрнэту» (ч. 3 арт. 361 КК);
- «змове або іншых дзеяннях, учыненых з мэтай захопу або ўтрымання дзяржаўнай улады неканстытуцыйным шляхам» (ч. 1 арт. 357);
- «уваходжанне ў склад экстрэмісцкага фармавання ў мэтах учынення злачынства экстрэмісцкай накіраванасці» (ч. 3 арт. 361-1);
- а таксама ў саўдзеле ў першых двух названых злачынствах (ч. 6 арт. 16 і ч. 3 ст.130, а таксама ч. 3 арт. 61).

IAR/аз