Памёр былы палітвязень Аляксандр Класкоўскі

Сын палітычнага аналітыка Аляксандра Класкоўскага памёў у ЗША ва ўзросце 46 гадоў.

Аляксандр Класкоўскі

Фота: Радыё Свабода

У ЗША ва ўзросце 46 гадоў памёр былы палітвязень Аляксандр Класкоўскі, паведаміла ў «Фэйсбуку« яго сястра, таксама былая палітзняволеная Вольга Класкоўская.

«Свабода» нагадвае, што Аляксандр Класкоўскі – гэта сын вядомых беларускіх журналістаў Аляксандра і Людмілы Класкоўскіх.

У 1999 годзе паступіў на службу ў ДАІ Ленінскага раёна Мінска, быў інспектарам ДПС. У 2005 годзе вымушана пакінуў МУС у званні лейтэнанта міліцыі.

Апрануўшыся ў міліцэйскую форму, браў удзел у акцыі пратэсту ў Мінску супраць фальсіфікацыі вынікаў выбараў 19 снежня 2010 года. Затрымалі яго ў ноч на 21 снежня, абвінавацілі ў арганізацыі масавых беспарадкаў і ўдзеле ў іх.

26 траўня 2011 году суддзя Ленінскага раёна горада Мінска Людміла Грачова асудзіла яго на 5 гадоў зняволення ў калоніі ўзмоцненага рэжыму. Адбываў пакаранне ў шклоўскай калоніі № 17. Вызвалены праз памілаванне.

аз