Уначы 2 ліпеня жыхар адной з прымежных вёсак Верхнядзвінскага раёна знайшоў збітую жанчыну-замежніцу і выклікаў хуткую медыцынскую дапамогу. Жанчыну экстрана шпіталізавалі, паведамляе прэс-служба Следчага камітэта.
«Пацярпелай аказалася 24-гадовая грамадзянка Эфіопіі. З дапамогай перакладчыка ахвяра расказала следчаму, што калі знаходзілася на тэрыторыі Латвіі, яе знайшлі пагранічнікі. Яны зламалі мабільны тэлефон безабароннай жанчыны, збілі яе і прымусілі ісці ў Беларусь», — заявілі ў СК.
Праз некалькі дзён жанчына памерла ў бальніцы.
Следчыя прызначылі судова-медыцынскую экспертызу, каб устанавіць дакладную прычыну смерці. Па гэтым факце праводзіцца праверка.
вх