Літоўскія службы бяспекі папярэджваюць аб новых правакацыях з боку Беларусі. Нядаўна ў сацыяльных сетках з'явіліся інтэрнэт-карыстальнікі, якія выдаюць сябе за афіцэраў літоўскіх службаў і спрабуюць завербаваць жыхароў Літвы.
Тэму працягвае карэспандэнт Польскага радыё Каміль Залеўскі:
- Дэпартамент дзяржаўнай бяспекі паведаміў, што асобы, якія выдаюць сябе за супрацоўнікаў літоўскіх службаў, прапануюць аплату ў абмен на паездку ў Беларусь і запуск паветранага шара з кантрабандай у бок Літвы. Службы адзначаюць, што такія дзеянні зʼяўляюцца відавочнай правакацыяй супраць літоўскай дзяржавы. «Беларускі рэжым спрабуе стварыць уражанне, што літоўская разведка сама арганізуе і ініцыюе гібрыдныя атакі на Літву, якія працягваюцца ўжо больш за месяц», – гаворыцца ў заяве. Ужо шмат месяцаў улады ў Вільні папярэджваюць грамадзян аб паездак у Беларусь. Знаходзячыся на тэрыторыі Беларусі, літоўцы рызыкуюць быць затрыманымі КДБ, які можа паспрабаваць прымусіць іх да супрацоўніцтва або прыцягнуць да адказнасці.
У апошнім часе паветраныя шары з кантрабандай, запушчаныя з тэрыторыі Беларусі, сталі сурʼёзнай праблемай для Літвы, парушаючы паветраны рух над Вільняй, якая распаложаная ўсяго ў 30 км ад мяжы з Беларуссю. З-за гэтага ўчора (9 снежня) літоўскія ўлады абвясцілі аб увядзенні «надзвычайнага становішча» ў краіне.
IAR/аз